featured photo: Birat Post

विकास कार्की
विराटनगर, २३ साउन ।
मोरङका सीमाबर्ती क्षेत्र गाजामय बनेको छ । प्रत्येक दिन गाजा पक्राउ हुन्छ । सानो,ठूलो परिणाममा पक्राउ हुने गाजाको परिणाम हेर्दा सीमावर्ति क्षेत्र गाजामय भएको होकी भन्ने आभास हुन थालेको छ ।

ईलाका प्रहरी कार्यालय रानीले गाजा पक्राउ अभियानलाई तिव्रता दिएको छ । कार्यालयका इन्चार्ज महेन्द्र दर्नालको टोलीले गाजा तस्करीमा सम्लग्नहरुलाई पक्राउ गर्ने र गाजा बरामद गर्ने कार्यमा ठूलो सफलता हात पारेका छन् । यो साता मात्रै विराटनगर रानीका विभिन्न क्षेत्र ,मटेरुवा,भन्सार आसपासका क्षेत्रबाट ठूलो परिणाममा गाजा पक्राउ परेको छ ।

शनिबार मात्रै मोरङको जहदा गाउँपालिका ३ ठुलो हातिबन्दा बाट प्रहरीले ठुलो परिणाममा लागुऔषध गाँजा बरामद गरेको छ । स्थानिय भुसाराम राजबंशीको घर पछाडि रहेको कटेरोमा प्लाष्टीकमा प्याक गरी बोरामा हाली लुकाई छिपाई राखिएको ३८ किलो गाँजा बरामद गरेको हो । राजवंशीको घरबाट गाँजा बरामद भएता पनी राजवंशी फेला परेका छैनन् ।

ठूलो परिणाममा गाजा भारततर्फ गइरहेको सुराकका आधारमा सकेसम्म नियत्रण लिने र अनुसन्धान गर्ने काम भइरहेको सशत्र प्रहरीबल रानीका प्रमुख भुपेन्द्रकाजी निरौला बताउछन् ।

नेपालको कानून अनुसार गाजा बैध छैन । यद्यपी गाजा खेति र निर्यातका लागि बाटो खोल्नुपर्ने आवाज संसद र अभियन्ताहरुले गर्दै आएका छन् । यही महिनाको गाजा पक्राउको शृङ्खला हेर्ने हो भने पनि यसको उत्पादन नेपालमै भइरहेको छ या तेस्रो मुलुकबाट नेपाल हुदै बाहिर गइरहेको छ ? यसको भने खोजी गर्न आबश्यक भइसकेको छ ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित