Birat Post शनिबार, फाल्गुण २०, २०७९ मा प्रकाशित

featured photo: Birat Post

विराटनगर,२० फागुन ।
अन्तराष्ट्रिय श्रमिक महिला दिवसको अवसरमा राजनीतिक र पत्रकारीताको माध्यमबाट समाजमा योगदान दिने दुई महिला सम्मानित भएका छन् । सम्मानित हुनेहरुमा कानेपोखरी गाउँपालिका अध्यक्ष राजमती इङनाम र पत्रकार चिना थापा रहेका छन् ।
पेशागत महासंघ जिल्ला कार्य समिति मोरङ र नेपाल निजामती कर्मचारी संगठन जिल्ला कार्यसमिति मोरङ तथा महिला विभागले शुक्रबार एक कार्यक्रमको आयोजना गरी सम्मान गरेको हो ।

११३ औं अन्तराष्ट्रिय श्रमिक महिला दिवसको अवसरमा आयोजित महिला नेतृ सम्मान तथा शुभकामना कार्यक्रममा बोल्दै अध्यक्ष इङनामले महिलाहरुलाई अगाडि बढ्न निकै चुनौति रहेको बताईन् । आफूले राजनीति गर्ने बेलामा बेलुका घरको काम गरेर दिनमा बाहिरको काम अनि पार्टीको काम पनि भ्याउने गरेको स्मरण गदै उनले महिलाको भूमिका धेरै हुने भएकाले सबैलाई एकसाथ अगाडि बढाउन सहज नहुने बताईन ।
‘घरको सबै काम भ्याएर राजनीति गर्थे, तर मैले म यहाँसम्म आईपुग्छु भनेर राजनीति गरेको थिईन्’, उनले भनिन्, ‘संगठनमा रहेर ईमान्दारीसाथ काम गर्र्यो भने लक्ष्यमा पुगिन्छ भन्ने आत्मविश्वास भने थियो’ । ‘मेरो इमान्दारिता र मेहनत देखेर पार्टीले पनि नमागेको अध्यक्ष पदको टिकट थियो र जितियो पनि । तर मैले यहाँसम्म पुग्छु भन्ने सोचेको थिईन् । मेहनत गर्दा ढिलो चाडो लक्ष्यमा पुगिनेरहेछ भन्ने लागेको छ’, उनले भनिन् । उनले हरेश नखाई मेहनत गर्न महिलाहरुलाई आग्रह समेत गरिन् ।

पेशागत महासंघ केन्द्रिय स्थायी कमिटी सदस्य अशेष लम्साल, अनेमसंघ केन्द्रिय सदस्य तथा नेकपा एमाले प्रदेश कमिटी सदस्य सरस्वती खरेल, नेपाल निजामति कर्मचारी संगठन मोरङका अध्यक्ष ओमराज सुवेदी, राष्ट्रिय बाणिज्य बैंक कर्मचारी संगठन केन्द्रिय सह कोषाध्यक्ष लिना यादव लगायतले दिवसको महत्व र महिलाको योगदानको विषयमा चर्चा गरेका थिए ।

नेपाल निजामती कर्मचारी संगठन मोरङकी उपाध्यक्ष तथा महिला विभाग प्रमुख टिका पाठक पराजुलीको अध्यक्षता तथा कानेपोखरी गाउँपालिका अध्यक्ष राजमती इङनामको प्रमुख आतिथ्यतामा भएको कार्यक्रममा पेशागत महासंघ मोरङकी उपाध्यक्ष पृथ्वी बस्नेतले संघर्ष गरेर अगाडि बढेका महिलाहरुलाई सम्मान गर्नुपर्छ भन्ने उदेश्यले सुरुवात मात्र गरेको र आगामि दिनमा सम्मान कार्यक्रमलाई अझ वृहत बनाउँदै लैजाने बताईन ।

कार्यक्रममा पेशागत महासंघ मोरङका अध्यक्ष प्रकाश शर्मा लगायत निजामति क्षेत्रमा कार्यरत व्यक्तित्वहरु, शिक्षकहरु तथा साहित्यकारहरुको सहभागिता रहेको थियो ।
कार्यक्रममा आधादर्जनभन्दा बढी साहित्यिक व्यक्तित्वहरुले आ–आफ्नो प्रस्तुती राखेका थिए । ‘लैङ्गिक समानताको बलियो आधार, सिर्जनात्मक प्रविधिमा महिलाको पहुचकोे विस्तार’ भन्ने मूल नाराका साथ मार्च ८ अर्थात फागुन २४ गते अन्तराष्ट्रिय श्रमिक महिला दिवस विश्वभर मनाईदै छ ।

सम्बन्धित

ताजा अपडेट
प्रधानमन्त्रीमा केपी ओलीको दाबी, आइतबार बिहान नियुक्त, दिउँसो शपथ
राष्ट्रपति रामचन्द्र पौडेलद्वारा नयाँ सरकार गठनको लागि आह्वान
बालसन्तद्वारा विराटनगरको सिद्धेश्वर महादेव मन्दिर र सामुदायिक भवनको उद्घाटन

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०/ ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल