Birat Post आइतबार, भाद्र २४, २०८० मा प्रकाशित
विराटनगर,२४ भदौ । नेपाली कांग्रेसका संस्थापक विश्वेश्वरप्रसाद कोइराला (विपी)को १०९औं जन्मजयन्तीको अवसरमा मोरङ कांग्रेसले विचार गोष्ठी सम्पन्न गरेको छ । मोरङको विपी सेवाकेन्द्र सुनवर्षी डाइनियामा सम्पन्न कार्यक्रममा जिल्ला तथा स्थानिय नेताहरुको उल्लेख्य सहभागिता रहेको थियो ।
नेपाली काग्रेसका केन्द्रीय सदस्य भीम पराजुलीको प्रमुख आतिथ्यतामा सम्पन्न कार्यक्रममा विपीका विचार र आजका समयमा पनि उत्तिकै सान्दर्भिक रहेको र विपीको मार्गनिर्देशनमा अगाडि वढ्नुपर्नेमा बक्ताहरुले जोड दिएका थिए ।
कार्यक्रममा बोल्दै केन्द्रीय सदस्य पराजुलीले कांग्रेसका नेता तथा कार्यकर्तालाई नैतिकवान बनाउन र समय सापेक्ष जनसेवामा लाग्ने भाव जगाउन आवश्यक रहेको बताए । विपी कोइरालाले गरिव र निमुखा जनताको मर्म बुझेर सेवा भावका काम गरेको स्मरण गर्दै पराजुली भने “अहिले सवैमा सेवा भाव हराएर गएको छ त्यसलाई पुर्नताजगी गरौ ।”
गुटका कारण अत्यन्त जटिलमोडमा काग्रेस पुगेको र यसलाई पनि सच्याएर अगाडि वढ्नुपर्ने वेला आएको पराजुलीको भनाइ थियो ।विपीको चिन्तनलाई बोकेरे हिड्ने कांग्रेस विचलित बन्न नहुने बताए । यस्तै उनले वर्तमान सरकारमा रहेर काग्रेसले अपजसको भारी मात्रै वोकिरहेको बताए । आउने चुनावमा यस्तै रवैया रहिरहे कांग्रेसले धेरै ठाउमा नेतृत्व गुम्नसक्ने भएकाले सचेत बन्न आग्रह गरे ।
नेपाली काग्रेस मोरङका कार्यवाहक अध्यक्ष भक्तिनाथ माझीको अध्यक्षतामा भएको कार्यक्रममा संघीय सांसद सुनिल शर्मा ,शिवनारायण सिहं गनगाई ,युवा नेता यदु विष्ट , मदन सग्रौला, नेपाली कांग्रेस मोरङका सचिवद्वय मोदराज घिमिरे, ललित श्रेष्ठ लगायतको सहभागिता रहेको थियो ।
एमालेसँगको गठबन्धनको विकल्प नरहेको कांग्रेसको निष्कर्ष
निर्धारित समयमै पार्टीको महाधिवेशन हुनुपर्नेमा कोइरालाकाे जोड, गठबन्धको औचित्यमा प्रश्न
रेडक्रस मोरङले “रेडि” कार्यक्रम अन्तरगत जहदा गाउँपालिकामा १३ सय विरुवा रोप्दै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
