झापा,२४ मंसिर । प्रधानमन्त्री तथा नेकपा एमालेका अध्यक्ष केपी शर्मा ओलीले कम्बोडियामा आफ्नो लगानीबारे भ्रम छरेर बदनाम गराउन खोजिएको बताएका छन्। सोमबार एमाले झापाले आयोजना गरेको बृहत् कार्यकर्ता भेलालाई सम्बोधन गर्दै ओलीले एमालेको शक्ति अहिले आक्रमण भइरहेको बताए। उनले पार्टी तथा आफूविरुद्ध चर्का नाराबाजी तथा कालो झण्डा देखाउने काम भइरहेको बताए।

दुर्गा प्रसाईंप्रति लक्षित गर्दै उनले भने, ‘केही नभए पनि अलि परबाट भए पनि मुख छाड्ने प्रवृत्ति देखिएको छ।’ कागजात जसले दियो उसैले नक्कली भनिसक्यो , उसैले केपी ओलीलाई बदनाम गराउन भनेको हुँ भनेको छ ।

उनले एमाले देशको शक्ति भएकाले धेरैतिरबाट आक्रमण भइरहेको बताए। यसका लागि डटेर अगाडि बढ्न नेता कार्यकर्ताहरुलाई आग्रह गरे ।