Birat Post बुधबार, बैशाख १०, २०७७ मा प्रकाशित
विराटनगर १० बैशाख ।
लकडाउनका कारण विराटनगरका सडकमा भोकभोकै परेका चौपाय तथा कुकुरहरुको लागी खाना खुवाउन थालिएको छ । विराटनगर महानगरपालिकाको सहयोगमा विराटनगरका युवाहरुले यस अभियानको शुरुवात गरेका छन् । बुधवार बाट शुरु भएको अभियानमा नेपाली कांग्रेसका केन्द्रीय सदस्य शेखर कोइराला र विराटनगर महानगरका मेयर भीम पराजुली सहभागी भएका थिए ।
यो अभियान लकडाउनको समय सम्म निरन्तरता दिइने बताइएको छ । बजारका मासु पसल तथा होटलहरुमा आश्रीत रहेर बाचेका कुकुरहरु भोकभोकै परेपछि खाना ख्वाउन शुरु गरिएको हो । यस्तै सडकमा छाडिएका छाडा चौपायलाई गौ सेवा सदनमा राख्नका साथै ,साढे गोरु र कुकुहरुलाई भने सडकमै आबश्यक खानाको प्रबन्ध गरिने मेयर पराजुलीले जानकारी दिए ।
अभियानको संयोजन निर्मल सुवेदीले गरेका छन् भने टिममा बिशाल भाजुरी ,अनिल कार्की,सन्जिब चापागाई ,अक्षय सहनी ,बिकास भण्डारी लगायत अभियानमा होमिएका छन् । यो प्रकृती सवैको हो ,सवैले बाच्न पाउनु पर्दछ भन्ने नाराका साथ पशुहरुको अवस्थालाई अध्ययन गर्दै खाना ख्वाउने अभियान शुरु गरिएको अभियानका सल्लाहकार शत्रुघनचन्द्र पौडेलले जानकारी दिए ।
सातै प्रदेशले ल्याए बजेट, कुनको कति ?
७ वटै प्रदेश सरकारले आज बजेट ल्याउँदै
आजको मौसम : भारी देखि धेरै भारी वर्षाको सम्भावना
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
