featured photo: Birat Post

सुनसरी १५ असोज ।
सुनसरीको कोशी गाउँपालिका–८ भण्टाबारी स्थित नेपाल भारतको सीमाबाट दुई किशोरीलाई उद्धार गरिएको छ । सिमामा खटिएको प्रहरी टोलीले किशोरीहरुको उद्धार गरेको जिल्ला प्रहरी कार्यालय सुनसरीले जनाएको छ ।

विभिन्न प्रलोभन देखाएर दुई किशोरीलाई भारत तर्फ लैजान खोज्ने दुई जनालाई समेत पक्राउ गरिएको छ । पक्राउ पर्नेमा सप्तरी, बनौली बस्ने २९ बर्षीय महम्मद साहिल मन्सुरी र सिरहा, कटाह बस्ने २९ बर्षीय जिवछकुमार साह रहेका छन् ।

नजिकैको भारतीय बजार भीमनगर स्थित मन्दिरमा पुजाका लागि भनेर आफूहरुलाई लग्न खोजिएको किशोरीहरुले बताएका छन् । पुजारीसँग पुजामा बस्नु पर्ने, पुजामा बसे वापत पारिश्रमिक दिने, केही रोग भएमा ठिक हुने तथा पुजा समाप्त हुना साथ केहि रकम समेत दिने जस्ता प्रलोभन देखाएर भारत तर्फ लगिएको अनुसन्धानका क्रममा खुलेको छ ।

पक्राउ परेका दुवै जना उपर “मानव बेचबिखन तथा ओसार–पसार नियन्त्रण ऐन–२०६४” अनुसार कारवाही अगाडी बढाइएको जिल्ला प्रहरी कार्यालय सुनसरीले जनाएको छ ।

सम्बन्धित

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल

देशका यी स्थानमा भारी वर्षाको सम्भावना