Birat Post सोमबार, कार्तिक १७, २०७७ मा प्रकाशित
विराटनगर १७ कार्तिक ।
सीमा क्षेत्रबाट हुने अवैध तस्करी रोक्ने प्रहरीनै हो । यसको अन्य विकल्प छैन । तर पनि त्यस क्षेत्रमा खटिने प्रहरीहरुलाई एउटा आरोप लाग्छ ,प्रहरीले सेटिङ मिलाउछन् र टन्न कमाउछन् । यो आरोप चिर्न अहिले सम्म कसैले सकेको छैन । यद्यपी यो आरोपबाट केही मुक्ति खोजिने प्रयास गरिएको छ ।
प्रदेश नं.१ का प्रहरी प्रमुख ( प्रहरी नायब महानिरीक्षक) इश्वरबाबु कार्कीले यसको पहलकदमी लिएका छन् । उनले प्रहरी आचार संहिता कार्यादेश २०७७ को बारेमा प्रहरी कर्मचारीलाई जानकारी गराउँदै उक्त कार्यादेश विपरीत कार्य गर्ने प्रहरी कर्मचारीलाई प्रहरी नियामावली बमोजिम कडा कारवाही हुने बताएका छन् ।
उनले मोरङ जिल्लाका सीमावर्ती प्रहरी युनिटका प्रहरी प्रमुख तथा सहायकहरुलाई यस्तो निर्देशन दिएका हुन् । प्रदेश १ संग जोडिएका नेपाल–भारतको सीमा नाकामा बस्ने प्रहरीहरु माथि कडा निगरानी हुने समेत बताएका छन् ।
चाडवाडको समयमा खुल्ला सिमानाको फाईदा उठाउँदै हुन सक्ने अवैध चोरी निकासी तथा अन्तरदेशीय रुपमा हुन सक्ने अपराध नियन्त्रणमा कडाईका साथ कार्य सम्पादन गर्न निर्देशन दिएका छन् । उनको यो अभियानले कतिको सार्थकता पाउने हो त्यो भने हेर्न बाँकी नै छ ।
असोज १ गते शोक बिदा दिने सरकारकाे निर्णय
जेनजी आन्दोलनका शहीद परिवारलाई सरकारले १५ लाख दिने
सामाजिक सञ्जाल बन्द गर्ने सरकारको निर्णयविरुद्ध सर्वोच्चमा रिट
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
