featured photo: Birat Post

अन्तराष्ट्रिय ब्युरो ।
अमेरिकामा ट्रम्पलाई संविधानको २५ औँ संशोधनमा रहेको व्यवस्थाबाट हटाएमा समर्थकहरु हिंसात्मक आन्दोलन गर्ने तयारी रहेको भन्दै एफबिआईले सचेत गराएको छ । राष्ट्रपति डोनाल्ड ट्रम्पका समर्थकहरुले हतियारसहित हिंसात्मक प्रर्दशनको तयारी गरेको संघीय अनुसन्धान ब्यूरोको आंकलन छ ।

राष्ट्रपतिमा निर्वाचित भएका जो बाइडेनको शपथको दिनसम्म सबै ५० राज्यमा हतियारसहित प्रदर्शनको तयारी भइरहेको समेत सूचना प्राप्त भएको एफबिआईले उल्लेख गरेको छ । सिएनएनका अनुसार जनवरी २० मा हुने शपथग्रहण समारोहलाई सुरक्षित पार्नका लागि सुरक्षा व्यवस्था कडा पारिएको भए पनि चिन्ता थपिएको छ ।

नव निर्वाचित राष्ट्रपति बाइडेनले क्यापिटल हिल संसद भवन बाहिर राष्ट्रपतिको शपथ लिन आफू नडराएको बताउदै आएका छन् ।यसभन्दा अगाडी ट्रम्प समर्थकहरुले संसदमा गरेको हिंसात्मक झडपमा ५ जनाले ज्यान गुमाएका थिए ।