featured photo: Birat Post

झापा १० फाल्गुन ।
समय समयमा चर्चामा छाउने गर्छन पूर्व राजा ज्ञानेन्द्र शाह । शाह शालिन स्वभावका छन् र बुझ्नेहरुले भन्छन् उनीमा राष्ट्रप्रेम अघाध छ । देश र जनतालाई केन्द्रमा राखेर काम गर्न दल र नेताहरुलाई पूर्व राजाले ज्ञानेद्रले आग्रह गरिरहेको पाइन्छ । भलै उनको विज्ञप्तिबाजीमा दलका नेताहरु तरङ्गित हुन्छन् । पछिल्लो समय पूर्व राजा ज्ञानेन्द्र परिवार मिलनका लागि समय दिन थालेका छन् । परिवारकै सदस्यका कारण कतिपय बदनाम खेप्नुपरेको छ राजपरिवारले । यो सवै समस्या हल गर्नमा बुहारी हिमानी शाहले ठूलो भुमिका खेलेकी छन् । हिमानीकै तारतम्यमा परिवारका सदस्यहरु जुट्ने काम भइरहेको छ ।

हालै पूर्व रानी कोमल शाहको जन्मदिन मनाइएको छ । यस कार्यक्रममा पूर्वराजा ज्ञानेन्द्र शाह र पूर्वरानी कोमल हाँसी खुशीसाथ नाचिरहेको भिडियो र फोटाहरु समेत सामाजिक सञ्जालहरूमा भाइरल भएको छ। फागुन ७ गते झापाको मेचीनगरमा रहेको होटल मेची क्राउनमा एक विशेष कार्यक्रमको आयोजना भएको थियो जसमा शाहको परिवारका सदस्य सामेल थिए । पूर्वरानी कोमलको ७० औं जन्मदिनको उपलक्ष्यमा पूर्व राजपरिवारका सदस्यहरुले राष्ट्रिय भावनामा ओतप्रोत गीतहरु संगै दिवंगत पूर्व रानी ऐश्वर्य राज्यलक्ष्मी देवी शाह साथै संगीतकार नातिकाजीका संगीतवद्ध गीतमा मनोरन्जन लिएका थिए ।
यस्तै पूर्व राजा ज्ञानेन्द्र शाह र रानी कोमल शाहले प्रफुल्ल मुद्रामा बिभिन्न फोटोहरु सुट गरेका थिए ।