Birat Post बिहिबार, माघ २९, २०७७ मा प्रकाशित
विराटनगर २९ माघ ।
नेकपा भित्रको आन्तरिक कलहले मुलुक संकटमा परेको कांग्रेसका केन्द्रीय सदस्य गगन थापाले आरोप लगाएका छन् ।
कांग्रेस महानगर समितिद्वारा विराटनगरमा बिहीबार आयोजित “बर्तमान राजनैतिक अवस्था, संवैधानिक संकट,यसकाे निकास र आजको आवश्यकता विषयक विचार गोष्ठी”का क्रममा नेता थापाले यस्तो बताएका हुन् । रामकुमारी झाक्री पक्राउ गर्न खोजेको विषयमा टिप्पणी गर्दै थापाले भने, ‘सरकार अब झ्यालाखानाको संख्या बढाऊ । अब म जस्तो बोल्नेविरुद्ध राज्यद्रोहको मुद्दा लगाऊ । त्यो फेस गर्न युवा पुस्ता तयार छ ।” उनले राष्ट्रपतिले आफ्नो जिम्मेवारी भुल्दै गएको समेत बताए । उनले भने “राष्ट्रपति व्यक्ति होइन, संस्था हो । तर, त्यो संस्थाको गरिमा उहाँले राख्न सक्नु भएन ।”
अहिलेको परिस्थितिमा जनताको कुनै दोष नभएको बताउँदै थापाले विगतमा दरबार र तरबारबाट मुलुक संकटमा फसेकोे स्मरण गर्दै अहिलेको अवस्था नेकपाको घरबारको कारण मुलुकमा संकटमा फसेको बताए । संविधान व्यक्तिको सनकको शिकार भएको बताउँदै थापाले सनकीहरुको सेटिङ भत्काउनु पर्ने बताए ।
यस्तै कार्यक्रममा बोल्दै नेपाली कांग्रेसका केन्द्रीय सदस्य गुरुराज घिमिरे नियन्त्रित लोकतन्त्र स्थापना गर्न खोजेको आरोप लगाए । उनले कांग्रेसको सहभागिता बिना मुलुकमा राजनैैतिक स्थिरता र संसद पुर्नस्थापना सम्भव नभएको बताए । प्रधानमन्त्री ओलीको चक्करमा फसेका प्रचण्डको हारगुहार हेर्दा कांग्रेसलाई मजा आइरहेको व्यङ्ग्य गर्दै घिमिरेले भने “सडकमा यति चाढै पुग्नुमा प्रचण्डको हात छ ।”
यस्तै पार्टीका केन्द्रीय सदस्य प्रदीप पौडेलले लोकतन्त्र धरापमा पर्न दिन नहुने बताए । राजनैतिक संकटलाई कांग्रेसले मात्रै सपार्न सक्ने बताए । संविधानविद् डा. विपिन अधिकारीले वर्तमान राजनैतिक संकट नियोजितरुपमा आएको बताए । यसको समाधानका लागी सशक्त आन्दोलन गर्नु पर्नेमा उनले जोड दिए । संविधानमा संसद विघटनको अधिकार कुनै कुनाबाट हेर्दा पनि भेट्न नकिने बताए ।
विराटनगर महानगरका मेयर तथा युवा नेता भीम पराजुलीले केपी ओली सरकारका निर्णयले जनताको अधिकार कुन्ठित हुन थालेको बताए । संविधानको रक्षार्थ जस्तोसुकै आन्दोलन गर्न पनि पछि नहट्ने भन्दै पराजुलीले प्रजातन्त्र ,लोकतन्त्र र मुल्यमान्यताको लडाइ होमिन आग्रह गरे ।
कार्यक्रममा नेपाली कांग्रेसका जिल्ला अध्यक्ष डिगबहादुर लिम्बु,नेताहरु अशोक कोइराला, रुक्मिणी कोइराला,कांग्रेस विराटनगर महानगर समितिका कार्यबाहक अध्यक्ष अरुण न्यौपाने लगायतको सहभागिता रहेको थियो ।
केहि तस्विरहरु/कौशल निरौला
एलन मस्कलाई छोराले हिर्काए, दाहिने आँखा माथीको भागमा देखियो कालो धब्बा
किराँत याक्खा छुम्मा महानगर अध्यक्षमा प्रेम देवान
राजसंस्था पक्षधरको सडकमा तीन दिनः दबाब बढाउदै नेताहरू
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
