featured photo: Birat Post

-कौशल निरौला
विराटनगरका उद्योगी तथा व्यवसायीहरूको आपसी द्वन्द्वको असर आकलन गर्न गाह्रो छ । औंद्योगिक शहरकारुपमा स्थापित मान्यता यसैपनि विराटनगरले भजाउन पाइरहेको छ । यसलाई अझ भन्नुपर्दा मोरङ,सुनसरी औद्योगिक करिडोरले अझ प्रख्यात छ । यसभित्र स्थापित उद्योगका आ -आफ्नै मुल्य र मान्यताहरु छन् । पहिलो पुस्ताबाट,दोस्रो र तेस्रो पुस्तामा हस्तान्तरणका चरणमा रहेका विभिन्न उद्योगहरु कति त बन्द भइसकेका छन् भने कति जेनतेन चलिरहेका छन् ।

राजनीतिमा जस्तै औद्योगिक क्षेत्रका पुस्ताहरु अझै पनि घिस्रिदै ब्यवसाय अगालिरहेका छन् । नयाँ पुस्ताले के गर्ने हो भन्ने शंका पुराना पुस्तामा कायमै छ । यद्यपी कतिपय नयाँ अनुहारका पुस्ताहरु पनि उद्योग सन्चालनको अगुवाइमा होमिएको देखिन्छ । यो सकारात्मक पक्ष हो । यी माथिका कुरा त उद्योगी,उद्योग र नयाँ पुस्ता आगमनका पक्षमा भए ।

अझै पनि केही समय तीन पुस्ताका उद्योगीहरु सगै-संगै हिड्नुपर्ने आबश्यकता छ, तर बाधा यहाँ देखिन्छ जुन पुरानै पुस्ताको अन्तरद्वन्दले नयाँ पुस्तालाई पनि गाज्न सक्छ । आज देखिइरहेको एक आपसको द्वन्द्वले कति समय सम्म असर गर्ला ? यो सोचनिय विषय छ । एकले अर्कोलाई असहयोग गर्ने परिपाटीले विराटनगरको औद्योगिक उत्थानमा प्रत्यक्ष  असर पारिरहेको छ ।

एउटाले मेला लगाउदा ,अर्को समुहले पनि त्यही सिको गर्नुपर्ने । एउटाले उद्योग खोल्यो भने ,अर्कोले उही प्रकृतिको उद्योग खोल्नुपर्ने । यसखाले होडहरु देख्न सकिन्छ । सकारात्मक प्रतिस्पर्धाको खाचो छ । एकले अर्कालाई खुइल्याउने परिपाटीको अन्त्य जरुरी छ । यसर्थ तेस्रो पुस्ताका उद्यमी युवाहरुले सकारात्मक सोचका साथ एकताको बाटो समाएर अगाडि बढ्न आबश्यक छ । यो पुस्ताले जवरजस्त हस्तक्षेप गरेर औद्योगिक क्रान्ति संगै मेलमिलापको क्रान्ति गर्न जरुरी छ । यो आज र भोलीको आबश्यकता हो ।
क्रमश :

२०७९।१०।२६ माघ ,बिहिबार

सम्बन्धित

नेपाल नर्सिङ संघ मोरङमा बरिष्ठ नर्सिङ निरिक्षक लजिता योन्जन निर्वाचित

वाइसिएल मोरङको अध्यक्षमा योगेन लिम्बू

सास्थम कलेज विराटनगरद्वारा विएचएम र विविएका विद्यार्थीहरुको बिदाई 

भारत-पाकिस्तान द्वन्द्वले सीमा क्षेत्रमा हाई अलर्ट, नेपाली भूमिमा समेत भारतीय निगरानी बढ्दो