featured photo: Birat Post

काठमान्डौं ,१५ मंसिर।

राष्ट्रिय प्रजातन्त्र पार्टी नेपाल (राप्रपा) को महाधिवेशन आजदेखि काठमाडौंमा सुरु भएको छ । कमल थापा, पशुपतिशम्शेर जबरा र डाक्टर प्रकाशचन्द्र लोहनी नेतृत्वका तीन राप्रपाको एकीकरण पछि महाधिवेशन हुदै छ ।

यही महाधिवेशनबाट राप्रपाको नयाँ नेतृत्व चयन समेत हुनेछ । १७ गतेसम्म तीनदिन चल्ने महाधिवेशनबाट झण्डै चार हजार प्रतिनिधिहरूले १ सय ४७ सदस्यीय कार्य समिति चयन गर्ने राप्रपाले जनाएको छ । कुल १ सय ९९ सदस्य कार्य समितिमा ७५ प्रतिशत अर्थात अध्यक्षसहित १ सय ४७ जना प्रत्यक्ष निर्वाचित हुनेछन् भने बाँकी २५ प्रतिशत अर्थात् ५२ जना निर्वाचित कार्य समितिले मनोनित गर्ने राप्रपाको विधानमा व्यवस्था छ ।

यस पटक राप्रपामा नेतृत्व परिवर्तनको आवाज चर्किएको छ । अध्यक्षका लागि नेता राजेन्द्रप्रसाद लिङ्देनले उम्मेदवारी घोषणा गरिसकेका छन् । वर्तमान अध्यक्ष कमल थापा अध्यक्षका दावेदार छन् ।