Birat Post शुक्रबार, बैशाख १६, २०७९ मा प्रकाशित
विराटनगर,१६ बैशाख ।
पूर्व सूचना बेगर औद्योगिक क्षेत्रमा १२ घण्टा भन्दा बढी विद्युतआपूर्ति अवरोध हुदै आएको भन्दै मोरंग व्यापार संघ, उद्योग संगठन मोरङ र नेपालउद्योग परिसंघ, प्रदेश १ ले विरोध जनाएको छ । यस्तै अवस्था रहीरहे सुनसरी–मोरङ औद्योगिक करिडोरका उद्योगी नेपाल बिद्युत प्राधिकरण विरुद्ध आन्दोलनमा उत्रन सक्ने चेतावनी व्यवसायीले दिएका छन् । शुक्रबार विराटनगरमा पत्रकार सम्मेलन गर्दै उनीहरुले आन्दोलनको चरणमा पुग्नुपर्ने अवस्था सिर्जना भएको बताएका हुन् ।
नेपालउद्योग परिसंघ, प्रदेश नं.१ का अध्यक्ष भीम घिमिरे , मोरंग व्यापार संघका अध्यक्ष नविन रिजाल र उद्योग संगठन मोरङका कार्यवाहक अध्यक्ष प्रदीप मुरारकाले सम्युक्त पत्रकार सम्मेलन गर्दै बिद्युत प्राधिकरणले लोडसेडिङ तालिका सार्वजानिक नगर्दा औद्योगिक क्षेत्र अन्यौल र अस्तव्यस्त बन्दै गएको गुनासो गरे । पछिल्लो समय सुनसरी–मोरङ औद्योगिक करिडोरका उद्योगीलाई ‘अन्सेडुयूल’ लोडसेडिङले हैरानी पारेको छ ।
मोरङ व्यापार संघका अध्यक्ष रिजालले नेपाल बिद्युत प्राधिकरणको भारप्रेषण केन्द्रले कुन दिन कहाँ र कति समय लोडसेडिङ हुन्छ भन्ने ‘सेड्यूल’ नै जारी नगर्दा समस्या खेप्नु परेको बताए । लोडसेडिङका कारण औद्योगिक क्षेत्र अस्तव्यस्त मात्र नभइ कामदारहरु पाल्न नसक्ने स्थितीमा पुगेको गुनासो व्यवसायीको छ ।
बिद्युत अनियमित भएसँगै रोजगारी कटौतीको स्थितीमा पुगिएको नेपालउद्योग परिसंघ, प्रदेश नं.१ का अध्यक्ष भीम घिमिरेले बताए । बिद्युत आपूर्ति प्रणाली सहज हुने स्थिति नआएसम्म उद्योगीको समस्या थप जटिल बन्दै जाने घिमिरे बताउछन् । प्राधिकरणले सेड्यूल नदिए प्राधिकरण विरुद्ध सशक्त आन्दोलनमा उत्रने उनले बताए ।
एलन मस्कलाई छोराले हिर्काए, दाहिने आँखा माथीको भागमा देखियो कालो धब्बा
किराँत याक्खा छुम्मा महानगर अध्यक्षमा प्रेम देवान
राजसंस्था पक्षधरको सडकमा तीन दिनः दबाब बढाउदै नेताहरू
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
