featured photo: Birat Post

काठमान्डौं,२२ साउन । राष्ट्रिय स्वतन्त्र पार्टीका सभापति रवि लामिछानेले प्रमुख तीन दलका शीर्ष नेताबीचको गोप्य छलफललाई लिएर आक्रोश पोखेका छन् ।

प्रतिनिधिसभाको बैठक रोक्दै नयाँ बानेश्वरस्थित संसद भवनमा सभामुख देवराज घिमिरेसहित प्रमुख तीन दलका शीर्ष नेता छलफलमा बसेपछि सांसदसमेत रहेका लामिछानेले वर्षौंदेखि देशलाई कसरी प्यारलाईज्ड गरिएको रहेछ भन्ने राम्ररी बुझ्दै गएको टिप्पणी गरेका हुन् ।

‘वर्षौं देखि देशलाई कसरी प्यारलाईज्ड् गरिएको रहेछ भन्ने राम्ररी बुझ्दैछौं। कयौं कानुन बनाउनु पर्ने छ, कयौं कानुनमा संशोधन छ्न्। जन सरोकारका कयौं मुद्दामा छलफल र निर्णय गर्नु छ। तर संसद चल्दैन, बार्गेनिङ चल्छ, मात्र बार्गेनिङ। दुस्खद।।’ उनले भनेका छन् ।