Birat Post बुधबार, बैशाख ०५, २०८१ मा प्रकाशित
विराटनगर ,५ बैशाख । विराटनगरमा बुधबार दिउँसो दुई समुदायबीच दोहोरो झडप भएको छ । झडपका कारण विराटनगरको रानी क्षेत्र तनावग्रस्त बनेको छ ।
रामनवमीको अवसरमा हिन्दु सम्राट नेपालले निकालेको यालीली मुस्लिम बस्ती पुगेपछि तनाव सुरु भएको हो । विराटनगर महानगरपालिका–१५ रामजानकी मन्दिर र विराटनगर–१३ नहर चोकबाट हिन्दु सम्राट नेपालका मोरङ अध्यक्ष बलराम यादवको नेतृत्वमा सवारीसाधनसहितको र्याली निकालिएको थियो ।
स्थानीय प्रशासनका अनुसार विराटनगर बजार परिक्रमा गरी र्याली रामजानकी मन्दिरनजिक पुगेर कोणसभामा परिणत हुने कार्यक्रम थियो । तर, रानी रोड, हनुमान मन्दिर, आईसीपी रोड, छाला फयाक्ट्री र मण्टा पोखरी हुँदै र्याली मुस्लिम बस्ती पुगेपछि तनाव सुरु भएको हो ।
मोरङका प्रमुख जिल्ला अधिकारी प्रेमप्रसाद भट्टराईका अनुसार रामजानकी मन्दिर निस्कने क्रममा विराटनगर–१५ र १७ स्थित मुस्लिम बस्तीमा पुगेपछि र्यालीलाई अवरोध गरिएको थियो ।
‘हिन्दुहरुको जुलुस मुस्लिम बस्ती हुँदै रामजानकी मन्दिर निस्कन खोज्दा अवरोध भएको पाइयो । मुस्लिम समुदायले आफूहरुको बस्तीको बाटो भएर र्याली ननिकाल्न भनेछन् । अलग्गै बाटो प्रयोग गरेर जुलुस निकाल्न आग्रह गरेका रहेछन्,’ उनले भने, ‘तर, हिन्दुहरुको जुलुस मुस्लिम बस्ती भएर जानलाई बल गरेपछि तनाव सुरु भएको हो । त्यसपछि दुई पक्षीय झडपको अवस्था उत्पन्न भयो । दुवै पक्षको हठका कारण अवस्था तनावपूर्ण बनेको छ ।’
हिन्दु र मुस्लिम समुदाय झडपमा उत्रिएपछि ठूलो संख्यामा सुरक्षाकर्मी परिचालन गरेर स्थितिलाई नियन्त्रणमा लिने प्रयास भइरहेको प्रजिअ भट्टराईले बताए । उनका अनुसार स्थितिलाई नियन्त्रणमा लिन अश्रुग्यास, लाट्ठी चार्ज र हवाई फायर गर्नु परेको छ ।
विराटनगरमा रहेको मानव सेवा आश्रमलाई विभिन्न दाताहरुको सहयोग
यी वर्षहरुमा खोप लाउन छुटेकाहरुलाई पोलियो विरुद्धको खोप दिइदै
आवाज भन्दा छिटो गतिमा यात्रा गर्न सक्ने विमान उडानको तयारी
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
