Birat Post शुक्रबार, जेठ १७, २०८२ मा प्रकाशित
विराटनगर १६ जेठ । पछिल्लो १० महिनामा कोशी प्रदेशबाट बैदेशिक रोजगारीमा जानका लागि १ लाख ६० हजारले श्रम स्वीकृति लिएका छन् ।
चालु आर्थिक वर्षको साउन देखि बैशाख मसान्त सम्म १ लाख ६० हजार ६७२ जनाले श्रम स्वीकृति लिएको सुरक्षित आप्रवासन (सामी) कार्यक्रम मोरङका संयोजक दीपक राउतले जानकारी दिनुभयो । नेपालबाट प्रति बर्ष करिब ५ लाख भन्दा बढि श्रमशक्ति श्रम बजारमा प्रवेश गर्ने गरेको उहाँले बताउनुभयो ।
मुलुकमा सीमित रोजगारीका अवसर, गरिबी लगायतका कारण वैदेशिक रोजगारी प्रति आकर्षित देखिएको राउतको भनाई छ । नेपालबाट श्रम स्वीकृत लिएर बैदेशिक रोजगारमा जानेको संख्या हाल सम्म ८२ लाख नाघिसकेको छ । दैनिक सरदर २ हजार बढी वैदेशिक रोजगार जाने गरेको वैदेशिक रोजगार विभागको तथ्यांकले देखाएको छ ।
सुरक्षित आप्रवासन कार्यक्रमबारे आज विराटनगरमा आयोजित कार्यक्रममा कार्यक्रम संयोजक राउतले वैदेशिक रोजगारमा जाने संख्याको करिब २१.८२ प्रतिशत संख्या कोशी प्रदेशबाट रहेको बताउनुभयो । उहाँका अनुशार मोरङबाट मात्रै गत वर्ष ३१ हजार ९७ जनाले वैदेशिक रोजगारका लागि श्रम स्वीकृति लिएका छन् । जसमा पुरुष २६ हजार ५८८ र महिला ४ हजार ५०९ जना छन् ।
मोरङबाट चालु आर्थिक वर्षको हाल सम्म २७ हजार ५४० ले श्रम स्वीकृति लिएको कार्यक्रम संयोजक राउतले बताउनुभयो । राउतका अनुशार पछिल्लो ३ वर्षमा कोशी प्रदेशबाट बैदेशिक रोजगारीमा गएकाहरु मध्ये ७७४ जनाको मृत्यु भएको छ ।
आर्थिक वर्ष २०७९–८० मा २९६ जना, आ.व. २०८०–०८१ म ३२३ जना आ.व. २०८१–०८२ को पुस सम्म १५५ जनाको मृत्यु भएको वैदेशिक रोजगार विभागको तथ्याङ्कमा उल्लेख छ ।
स्कटल्यान्डले नेपाललाई दियो २९७ रनको लक्ष्य
दिवंगत राजपरिवारको सम्झनामा दीप प्रज्वलन,हिमानी, हृदयेन्द्रसहित राजाबादीको बाक्लो उपस्थिती
आन्दोलनमा सहभागी नेता तथा कार्यकर्ताहरु पक्राउ परेसंगै राजावादीहरु थप आक्रामक
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
