Birat Post बुधबार, आषाढ ०४, २०८२ मा प्रकाशित
काठमाडौं ४ असार । सुनचाँदी व्यवसायीले आजदेखि सुनचाँदी पसल खुला गर्ने भएका छन् । कर र भ्याट खारेजीको माग गर्दै एक साता अघिदेखि सुनचाँदी पसल बन्द गरेर विरोधका कार्यक्रम गर्दै आएका व्यवसायीले प्रधानमन्त्री के.पी.शर्मा ओलीसँग भेट गरेपछि कारोबार शुरु गर्ने सहमति गरेका हुन् ।
सरकारले सुनको कारोबारमा दुई प्रतिशत विलासिता कर र हिरा तथा बहुमूल्य पत्थरमा १३ प्रतिशत भ्याटको व्यवस्था गरेपछि व्यवसायी आन्दोलनमा थिए । मंगलबार भएको भेटमा प्रधानमन्त्रीले व्यवसायीका मागका विषयमा सम्बन्धित निकायसँग बुझेर पूरा गर्न सक्ने माग सम्बोधन गर्न लाग्ने प्रतिबद्धता जनाएका छन् ।
व्यवसायीले विलासिता कर लागु गर्दा सुनचाँदी व्यवसाय धराशायी हुने भएकाले पुनर्विचार गर्न माग गरेका हुन् । विलासिता कर र भन्सारका दर छिमेकी भारतको भन्दा बढी हुँदा नेपाली व्यवसायीले प्रतिस्पर्धा गर्न नसक्ने भएकाले पनि खारेज गर्न व्यवसायीले माग गर्दै आएका छन् ।
एनसीडिएको ५२ औं स्थापना दिवसमा मोरङ शाखाद्धारा सप्ताहव्यापी कार्यक्रमको घोषणा
विराटनगरमा पूर्वप्रधानमन्त्री कोइराला र लायन्स संस्थापक मेल्भिनको सालिक अनावरण
मेयर र उपमेयरबीचको विवाद : धरान उपमहानगरपालिका तनावग्रस्त
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
