featured photo: Birat Post

विराटनगर,१९ साउन ।
विराटनगरमा ३१ फिटको काँवर घुमाएर शिव मन्दिरमा जल चढाइएको  छ । विराटनगर- ८ भगवती बट्केश्वर महादेव थानगाच्छीवाट कामरु उठाएर नगरका विभिन्न भागको परिक्रमा गरि स्थानीय बासुकीनाथ मन्दिर र वनस्खण्डी मन्दिरमा जल अर्पण गरिएको थियो ।

संघीय सांसद योगेन्द्र मण्डल, कांग्रेस केन्द्रीय सदस्य तथा कोशी प्रदेशका सांसद भीम पराजुलीले कार्यक्रमको शुभारम्भ गर्नका साथै तीनवटै शिव मन्दिरमा काँवरमा राखिएको घडासहितको जल अर्पण गरेका थिए । सदाका वर्षहरुझै  काँवर (कामरु) लिएर नगर परिक्रमा गदै शिवशक्तिपिठमा जल अर्पण गरिएको मन्दिर समितिका अध्यक्ष तथा आयोजक राघव सहनीले जानकारी दिए ।

कार्यक्रममा बोल्दै नेता द्धय मण्डल र पराजुलीले सनातन धार्मिक उन्नयनमा युवा पुस्ताको सक्रियता र चासोलाई आफुहरुले उपलव्धिकोरुपमा लिएको बताए । ऐतिहासिक धार्मिक स्थल,जल,जमिन र तिनको स्वामित्व रक्षामा लाग्न पनि आग्रह गरे । यस्तै आज साउन महिनाको तेस्रो सोमबार । बिहानैदेखि देशभरका शिवालयहरूमा भक्तजनको भीड लागेको छ ।

साउन महिना भगवान् शिवको महिना र सोमबार भगवान् शिवजीको प्रिय बार भएकाले ब्रत बस्ने परम्परा छ । यस दिन विशेष रूपमा आशुतोष भगवान् शिवको पूजाआराधना गरिन्छ । आजको दिनमा महिलाहरूले विशेषगरी हरियो रंगका वस्त्र, चुरा र मेहंदी लगाएर भगवान् शिवको पूजा तथा आराधना गरी ब्रत बस्ने चलन रहँदै आएको छ । उक्त कार्य गर्नाले मनोकांक्षा पूरा हुने धार्मिक विश्वास छ ।कार्यक्रममा नेपाली कांग्रेसका नेताहरु सुधिर रेग्मी, विनायक पन्त,राजकुमार मण्डल, अविशेक गिरी,विराटनगर-८का वडाध्यक्ष राम पोखरेल लगायतको सहभागिता रहेको थियो ।

सम्बन्धित

इन्द्र बानियाँ आज बागमती प्रदेशको मुख्यमन्त्रीमा नियुक्त हुँदै

धरौटी बुझाएर रिहा भए दुर्गा प्रसाईं

सशस्त्र प्रहरीमा ७७ जना अधिकृतको बढुवा सिफारिस (सूचीसहित)

पुर्पक्षका लागि थुनामा रहेका दुर्गा प्रसाई सहित थप ३ जनालाई धरौटीमा छाड्न आदेश