Birat Post बिहिबार, भाद्र ०५, २०८२ मा प्रकाशित
विराटनगर,५ भदौ । विराटनगरस्थित न्यूरो कार्डियो एण्ड मल्टिस्पेशियालिटी हस्पिटलले आफ्नो स्थापनाको २५ औं वर्ष पूरा गरेको अवसरमा विभिन्न महत्वपूर्ण योजनाहरू ल्याएको छ । बिहिबार आयोजित पत्रकार सम्मेलनमा अस्पतालले आगामी ५ वर्षभित्र कोशी र मधेश प्रदेशका विभिन्न स्थानमा शाखा विस्तार गरी ’चेन अफ हस्पिटल’ को रूपमा सुपरस्पेशियालिटी सेवा प्रदान गर्ने जानकारी गराएको छ ।
अस्पतालका अपरेसनल डाइरेक्टर राजेश भट्टराईका अनुसार न्युरो हस्पिटले विराटनगरवाट दिइरहेको सेवा बाहिरी जिल्लाहरुमा पनि विस्तार गरिने छ । झापाको दमक र मधेश प्रदेशका दुई स्थानमा सेवा विस्तार गरिने उनको भनाइ छ । २५ वर्षअघि सामान्य क्लिनिककारुपमा स्थापना गरेर डा. बिरेन्द्र कुमार बिष्टले खोलेको यसले पूर्णरुप लिदै हस्पिटलकारुपमा रुपान्तरण भएको थियो । समयक्रममा न्यूरोलोजीको ओपिडी तथा आइपिडी सेवा प्रदान गर्ने अस्पताल बन्यो ।
निजी स्तरबाट पूर्वाञ्चलकै पहिलो न्यूरो सर्जरी सेवा सुरु गर्न सफल हस्पिटलले २५ वर्षको अवधिमा २५ लाखभन्दा बढी सेवाग्राहीलाई सेवा दिएको हस्पिटलको भनाइ छ । यस अवधिमा ७ हजार ५ सय भन्दा बढी सफल न्यूरो सर्जरी, ५ हजार भन्दा बढी मुटुसम्बन्धी प्रोसिड्युर र ६ हजार भन्दा बढी हाडजोर्नीका शल्यक्रियाहरू सफलतापूर्वक सम्पन्न भएको जानकारी दिइयो ।
यस्तै विराटपोष्ट संग कुरा गर्दै हस्पिटलका संस्थापक तथा वरिष्ठ न्यूरोलोजिष्ट डा.विरेन्द्र विष्टले कोशी र मधेश प्रदेशमा आफ्नो अस्पतालको सेवा सञ्जाल विस्तार गर्ने योजना सफल हुनेमा आफु विस्वस्त रहेको बताए ।
त्यसैगरी रजत जयन्तीको अवसरमा सामाजिक कार्यहरूलाई व्यवस्थित गर्न ‘तुलसा देवी फाउण्डेसन’ को स्थापना गरिएको छ । फाउण्डेसनमार्फत प्रत्येक वर्ष कोशी प्रदेशका एक उत्कृष्ट नर्स र एक उत्कृष्ट मेडिकल अफिसरलाई ५१ हजार राशिको पुरस्कारसहित सम्मान गरिने भएको छ । यसैगरी रजत जयन्तीका अवसरमा विशेष छुट सहितका कार्यक्रम समेत भइरहेको अस्पतालले जनाएको छ ।
यस्तो छ आज देशभरको मौसम
प्रतिनिधिसभाबाट भूमिसम्बन्धी विधेयक पारित
अदालतद्वारा थाई प्रधानमन्त्री शिनावात्रा बर्खास्त
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
