Birat Post मंगलबार, माघ २७, २०८२ मा प्रकाशित
काठमाडौं,२७ माघ। भारतको मेघालयमा रहेको अवैध कोइलाखानीमा भएको डाइनामाइट विष्फोटले चार नेपाली कामदारको ज्यान लिएको छ । रोजगारीको खोजीमा भारत गएका उनीहरू खोटाङ जिल्लाका बासिन्दा हुन् ।
विष्फोटमा बेपत्ता भएका हलेसी तुवाचुङ नगरपालिका–५ का ५० वर्षीय रत्न राईको पनि मृत्यु भएको पुष्टि भएपछि मृतकको संख्या चार पुगेको हो । रत्नको शव अस्पतालमा जलेको अवस्थामा फेला परेको र शरीरको बनावटका आधारमा पहिचान गरिएको पारिवारिक स्रोतले जनाएको छ । खबर आएलगत्तै परिवारले काजकिरिया सुरु गरेको छ ।
यसअघि माघ २२ गते मेघालयको पूर्वी जयन्तिया हिल्समा रहेको कोइलाखानीमा भएको विष्फोटमा खोटाङकै २७ वर्षीय पूर्णबहादुर खपाङ्गी, २४ वर्षीय सुरेन्द्र खपाङ्गी र ३५ वर्षीय नरबहादुर खपाङ्गीको मृत्यु भएको थियो । तीनै जना एउटै गाउँका हुन् । पूर्णबहादुर र सुरेन्द्र दाजुभाइ रहेको बताइएको छ ।
स्थानीयका अनुसार पूर्णबहादुर र सुरेन्द्रको घटनास्थलमै ज्यान गएको थियो भने नरबहादुरको उपचारका क्रममा माघ २३ गते मृत्यु भएको हो । तीनै जनाको शव भारतकै सिलाङमा दाहसंस्कार गरिएको छ ।
घटनामा परेका अन्य तीन नेपाली गम्भीर घाइते अवस्थामा उपचाररत छन् । साथै, विष्फोटपछि दर्जनौँ कामदार खानीभित्रै फसेको अनुमान गरिएको छ ।
परिवारजनका अनुसार मृतक र घाइतेहरू सबै आर्थिक अभावका कारण जोखिमपूर्ण काम गर्न भारत गएको बताइन्छ । शव नेपाल ल्याउन कुनै सरकारी सहयोग नपाएको भन्दै पीडित परिवारले गुनासो गरेका छन् ।
यो घटनाले वैदेशिक रोजगारीका नाममा जोखिमपूर्ण र अवैध काममा संलग्न नेपालीहरूको सुरक्षामाथि गम्भीर प्रश्न उठाएको छ ।
कोइलाखानीमा ज्यान गुमाउने नेपालीको संङ्ख्या चार पुग्यो
सिरहा कारागारभित्र पेस्तोल र दुई थान गोली बरामद भएपछि नाइकेसहित १३ जना नियन्त्रणमा
फागुन २१ को मौसम पनि अनुकूल छ, निर्वाचनका निम्ति सुदृढ सुरक्षा व्यवस्था गरेका छौँः गृहमन्त्री अर्याल
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
