Birat Post शनिबार, बैशाख १३, २०७७ मा प्रकाशित
विराटनगर १३ बैशाख /
सिमाक्षेत्रमा खटिएको सशस्त्र प्रहरीलाई अनेकौ चुनौती आइलागेको छ । कोरोनाको कहर संगै उत्पन्न परिस्थिति संगै सिमा सुरक्षामा खटिएको प्रहरी माथी बोतल र ढुङ्गा बर्सिन थालेको छ । नेपाल ,भारत सिमा क्षेत्र बिराटनगरको दरैयाबस्ती दशगजामा यसखाले समस्या उत्पन्न भएको त्यहाँ स्थित हाम्रा संबाददाता पवन साहले जानकारी दिएका छन् ।
प्रहरीलाई उदृत गर्दै उनले भने रातको समयमा सुरक्षाकर्मीमाथी भारत तर्फबाट गुलेली र खाली बोतल प्रहार गर्ने गरेको पाइएको छ । यस्ता घटना हुन थालेपछी प्रहरी समेत सचेत बनेको छ ,भने सुरक्षा कडाइ बढाएको छ । तश्करीमा सम्लग्नहरुले यस्तो काम गरेको प्रहरीले अनुमान गरेको छ । लागु औषधको किनबेच हुने र तश्करीको मुख्य नाका भएकाले यस स्थानमा तश्करहरु सलबलाएका छन् ।
भारतको टिकुलियाबस्ती वारी नेपालको खुला सिमाना रहेको दरैया बस्ती देखि मोरङ ,सुनसरीको सिमाना केशलिया खोला सम्मको क्षेत्रमा सशस्त्र प्रहरी बलले सुरक्षा निगरानी बढाएको छ । यस स्थानवाट सशस्त्र प्रहरीले दुर्विनवाट समेत निगरानी गरिरहेको छ । सशस्त्र प्रहरीले हाईट पोष्ट समेत बनाएको छ । हाईट पोष्टबाट दुर्बिनको सहायताले सिमावर्ति क्षेत्रमा निगरानी गर्न सजिलो भएको र आपराधिक गतिविधि नियमन भइरहेको सशस्त्र प्रहरी बल बोर्डर आउट पोष्टका प्रमुख स.प्र.नि. हरि शाहीले जानकारी दिए ।
एलन मस्कलाई छोराले हिर्काए, दाहिने आँखा माथीको भागमा देखियो कालो धब्बा
किराँत याक्खा छुम्मा महानगर अध्यक्षमा प्रेम देवान
राजसंस्था पक्षधरको सडकमा तीन दिनः दबाब बढाउदै नेताहरू
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
