featured photo: Birat Post

विराटनगर १६ जेष्ठ ।
विराटनगरको रानी हुँदै भारतबाट लुकीछिपी भित्रिने नेपाली नागरिकको चाप बढे संगै प्रदेश सरकार र विराटनगर महानगरपालिकाले ‘होल्डिङ सेन्टर’ बनाएको छ । विराटनगर स्थित वडा नं १३ को डिएभी स्कुल र विराटनगर ७ मा रहेको आदर्श माविमा होल्डिङ सेन्टर बनाइएको हो । डिएभी स्कुलमा ३ सय जना र आदर्श माविमा ३ सय जना राख्न सकिने गरी ‘होल्डिङ सेन्टर’ लाई ब्यवस्थित बनाइएको विराटनगर महानगरका मेयर भीम पराजुलीले जानकारी दिए । विराटनगरका नागरिकको हकमा वडा स्तरमै क्वारेन्टाइन बनाउने तयारी भइरहेको मेयर पराजुलीको भनाइ छ । महानगरका नागरिकहरुलाई आबश्यक जाचको प्रबन्ध सहित होम क्वारेन्टाइन वा क्वारेन्टाइनमै राख्नु पर्ने हो त्यसका लाागि स्वास्थ्यकर्मीको उपलब्धतालाई चुस्त बनाइएको छ । सिमावाट फर्कने नागरिकहरु प्राय अन्य जिल्लाकै रहेको र महानगरका १४ जना नागरिक मात्रै क्वारेन्टाइनमा बसिरहेका छन् । उनिहरुलाई स्वास्थ्यकर्मीको प्रतक्ष निगरानीमा राखिएको छ ।

सीमा क्षेत्रवाट फर्कनेहरुमा उपचार र तीर्थयात्रामा गएका नेपाली नागरिक समेत छन् । लकडाउनका कारण लामो समय भारतमै थुनिएकाहरु फर्कने क्रम जारी छ । ‘होल्डिङ सेन्टर’ बनाए यता रानी नाकाबाट मंगलवार ३०४ जना,बुधवार ५६ जना र बिहिवार ९६ जना नेपाली नागरिक सीमाक्षेत्रवाट ल्याएर डिएभी स्कुलमा राखिएको सहसेनी खड्ग वहादुर निरौलाले जानकारी दिए । डिएभी स्कुलको सुरक्षामा खटिएका निरौलाले भारतले नेपाललाई बुझाएका नागरिकको प्रारम्भिक जाच , ब्यक्तिगत विवरण र अवस्थाका विषयमा डाटा लिने काम समेत भइरहेको जानकारी दिए । ‘होल्डिङ सेन्टर’मा बस्नेहरुलाई खानपिनको व्यवस्थापन समेत गरिएको छ । जिल्ला प्रशासन कार्यालय मोरङले सीमाबाट ल्याइएका नागरिकलाई सुरक्षितरुपमा सम्बन्धित पालिका तथा जिल्लामा बुझाउने काम गरिरहेको छ । अहिले सम्म ४ सय भन्दा बढी नागरिकलाई सम्बन्धित पालिकामा जिम्मा लगाइसकेको प्रशासनले जनाएको छ ।

विराटनगरमा नेपाली सेनाले तयार गर्दै गरेको होल्डिङ सेन्टर :