featured photo: Birat Post

सर्लाही ३० जेष्ठ ।
सर्लाही स्थित नेपाल भारत सीमा क्षेत्रमा झडप भएको छ । भारतीय नागरिक र सशस्त्र प्रहरीको टोलीबीच झडप भएको प्रहरीले बताएको छ । सो क्रममा एक जनाको मृत्यु भएको छ । मृतकको पहिचान हुने काम भइरहेको बताइएको छ । झडपमा सशस्त्र प्रहरीका तीनजना र भारतीय नागरिक तीनजना गरी ६ जना घाइते भएका छन् ।

सर्लाहीका प्रमुख जिल्ला अधिकारी मोहनबहादुर जिसीले अनाधिकृत रुपमा नेपाल छिर्न खोज्ने व्यक्तिहरुलाई सुरक्षाकर्मीले रोक्न खोज्दा झपड भएको पुष्टि गरे । लकडाउन भएसंगै विराटनगर , झापा ,बारा लगायतका विभिन्न जिल्लाका सीमावर्ती क्षेत्रमा भारतीय पक्षबाट आक्रमण भएका घटना सार्वजनिक भइरहेका छन् ।