Birat Post सोमबार, कार्तिक १७, २०७७ मा प्रकाशित
बुटवल १७ कार्तिक ।
पछिल्लो समय देशका विभिन्न भागमा राजसंस्था पुनःस्थापनाको माग राख्दै प्रदर्शन हुन थालेका छन् । राजनैतिक दल र तीनले नेतृत्व गरेका काम बाट जनता निराश भएका छन् । कोरोना संक्रमणका क्रममा जनताको स्वास्थ्यका सवालमा समेत राज्य मौन देखिएको छ । यी र यस्तै सवाल उठाउदै राजसंस्था पक्षधरहरु आन्दोलित बनेका छन् । राजसंस्था पुनःस्थापनको माग गर्दै सोमबार रुपन्देहीमा र्याली प्रदर्शन गरिएको छ । वीर गोर्खाली अभियानको आयोजनामा ‘देश र श्रीपेचको रक्षा’ कोे लागि भन्दै रूपन्देहीमा मोटरसाइकल र्यालीसहित प्रदर्शन भएको हो ।
राष्ट्रिय झण्डा र पूर्व राजा रानी ज्ञानेन्द्र-कोमल शाहको तस्वीर अंकित टिसर्ट लगाएर र्याली निकालिएको थियो । गणतन्त्र स्थापनापछि रुपन्देहीमा राजसंस्थाको पक्षमा भएको यो प्रदर्शन अहिलेसम्मकै ठूलो मानिएको छ । कार्यक्रम बसन्तविक्रम पाण्डे, रुपन्देही संयोजक प्रवीन थापा, डिल्लीराज खनाललगायतले राष्ट्रिय एकता र स्थिरताका लागि राजसंस्था र हिन्दू राष्ट्र पुनः स्थापना आवश्यक रहेको तर्क गर्दै यसका लागि देशव्यापी अभियान सञ्चालन गरिने बताएका थिए । यसभन्दा अगाडी पनि बिरगन्ज र काठमान्डौमा विभिन्न स्वतन्त्र समुहद्धारा राजसंस्थाको पक्षमा प्रदर्शन भएको थियो ।
भारत-पाकिस्तान द्वन्द्वले सीमा क्षेत्रमा हाई अलर्ट, नेपाली भूमिमा समेत भारतीय निगरानी बढ्दो
अबैध रुपमा बंगलादेशी नागरिक नेपाल आइरहेको खुलासा
विपिन जोशीबारे इजरायली अधिकारीहरूले गरे यस्तो गम्भीर आशंका
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
