featured photo: Birat Post

काठमाडौँ २८फाल्गुन।

नेकपा एमालेको बैठकले पार्टीका महासचिव ईश्वर पोखरेल बाहेकका पदाधिकारीहरूको पद खारेज गर्दै महाधिवेशनको मिति तोकेको छ ।
शुक्रवार प्रधानमन्त्री निवास बालुवाटारमा बसेको बैठकले यस्तो निर्णय गरेको हो । बैठकले पार्टीको आगामी महाधिवेशन २ देखि ६ मङ्सिरसम्म काठमाडौँमा गर्ने निर्णय गरेको छ । यसै गरी माओवादी केन्द्रबाट आएर ओली समूहमा लागेका नेता रामबहादुर थापा बादललाई बागमती प्रदेशको इन्चार्जको जिम्मेवारी दिइएको छ ।

बैठकले एमाले प्रवक्तामा प्रदीप ज्ञवालीलाई तोकेको छ । निर्णयसँगै नेकपाबाट फर्किएका माधव कुमार नेपाल समूहका अधिकांश नेताहरू कारबाहीमा परेका छन् भने अध्यक्ष ओलीले उनिहरुलाई पदबिहिन बनाइदिएका छन् । एमाले बैठकको यो निर्णय संगै नेपाल पक्ष आन्दोलित भएको छ । नेपाल समुहले लोकतान्त्रिक बिधिलाई कुल्चिने चेष्ठा गरेको भन्दै बिरोध समेत जनाएको छ ।