भीम पराजुली
‘छक्का पन्जा ५’
कौशल निरौला
Birat Post सोमबार, कार्तिक १५, २०७८ मा प्रकाशित
विराटनगर,१५ कार्तिक ।
बाढीले बगाएर मृत्यु भएका विराटनगर–१ का २१ वर्षीय सञ्जित कामतका आफन्तलाई काजकिरियाखर्चका लागि विराटनगर महानगरपालिकाले आइतबार ५० हजारको चेक प्रदान गरेको छ ।
महानगरपालिका अन्तर्गतको विपद समितिको बैठकबाट विराटनगरमा कात्तिक २ र ३ गते परेको अविरल वर्षाका कारण आएको बाढीबाट मृत्यु भएका विराटनगर–१ का कामत, विराटनगर–५ का ४१ वर्षीय सञ्जय राई र विराटनगर–१२ का इसान भुजेलका आफन्तलाई किरियाखर्चका लागि जनही ५० हजार रूपैयाँ उपलब्ध गराउने निर्णय गरिएको थियो ।
कात्तिक ३ गते डुबानमा परेको घरभित्रबाट सामान निकाल्ने क्रममा सिंघिया खोलाको बाढीले कामतलाई बगाएको थियो । ३ दिनपछि उनको शव परोपकारघाट छेउमा फेला परेको थियो । विराटनगर महानगरपालिकाकोतर्फबाट आइतबार मेयर भीम पराजुलीले विराटनगर–१ स्थित धर्मशाला चौकमा बाढीले बगाएर निधन भएको कामतको घरैमा पुगेर उनका बुवा बैजनाथ कामतलाई किरियाखर्चका लागि ५० हजारको चेक प्रदान गरे । मेयर पराजुलीले जीवनको अगाडि पैसाको मूल्य नभएपनि मजदूरी गरेर खाने कामतका परिवारलाई काजकिरियाका लागि प्रदान गरिएको रकमले केहि मद्दत मिल्ने बताए ।
उनले हरेक वर्ष सिंघियामा बाढी आउने गरेको र यसले दुःख दिने गरेको भन्दै महानगरपालिकाले बाढी र डुबान विरूद्धको व्यवस्थापनको कार्यलाई जारी राखेको बताए । मेयर पराजुलीले विराटनगर महानगरपालिका जहिलेपनि विराटनगरवासीको सुख दुःखमा साथै रहने गरेको बताए । वडा नंं १ का वडाध्यक्ष उद्धव अर्यालले जनप्रतिनिधि आपतको बेला दुखी पीडितको घरमा पुग्नु पर्ने बताए । बाढीका कारण मृत्युवरण गरेका राई र भुजेलका आफन्तलाई सोमबार ५० हजारको काजकिरिया खर्च वापतको चेक प्रदान गरिने भएको छ ।
राहत एवम् पुनः निर्माण कोष निर्माण गर्न माओवादी कोशी प्रदेशको माग
यस वर्षको मनसुन बाहिरिदै,दसैँ घमाइलो हुने सम्भावना
आश्विन शुक्ल पञ्चमी : स्कन्दमाताको पूजा आराधना गरिँदै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
