featured photo: Birat Post

विराटनगर, २७ चैत्र ।
नेपाल तरुणदल क्षेत्र नं. ४ मोरङले क्षेत्रीय भेला सम्पन्न गरेको छ । विराटनगरमा आइतबार आयोजित भेलामा क्षेत्रका तरुण युवाहरुको उल्लेख्य सहभागिता रहेको थियो । कार्यक्रममा नेपाली कांग्रेसका केन्द्रीय सदस्य अमृत अर्यालले पार्टीभित्रको आन्तरिक तिक्ततालाई अन्त्य गर्न र सवैको अस्थित्व स्विकार गरेर अगाडी बढ्न आबश्यक रहेको औल्याए । स साना अन्तरद्धन्द्धमै अल्झिदा नेतृत्व विकास पनि कमजोर बन्ने र पार्टीको अस्थित्व समेत खतरामा पर्न सक्ने तर्फ सचेत बन्नुपर्ने बताए । चुनावको समय नजिकिदै जादा एकताबद्ध रहन र एक अर्काको अस्थित्व स्विकारेर मेलमिलापका साथ अगाडी बढ्न आग्र गरे ।

यस्तै केन्द्रीय सदस्य भीम पराजुलीले नजिकिदो स्थानीय चुनावमा आपसी सद्भाव कायम गर्दै अगाडी बढ्नुको विकल्प नभएको बताए । आफ्नो क्षेत्रतर्फ इंगित गर्दै पराजुलीले पाटीमा कहि कतै निषेधको राजनीति मौलाउदै गएको भन्दै तिक्तता सिर्जना गर्ने काम नगर्न आग्रह गरे । उनले समृद्ध विकासका लागि गएको केपी ओली र दुईतिहाइको सरकार जिम्मेबार रहेको बताए । आफु मेयरकोरुपमा काम गरिरहदा विभिन्न व्यवधान खडा गरेर जनताको विकास र अधिकार कुन्ठित गरेकोमा असन्तुष्टी व्यक्त गरे ।

यसै गरी युवा नेता तथा महाधिवेशन प्रतिनिधी दीलिप गच्छदारले नेतृत्वले कार्यकर्तामाथी अति राजनीति नगर्न आग्रह गरे । हामी सवै राजनीतिनै गर्ननै आएका हौ तर आफ्ना कार्यकर्तामा मार्थी भने राजनीति नगरौ । लोकतान्त्रीक विधि र पार्टीभित्र सभासमारोह गर्न र बोल्न पाइन्छ गच्छदारले भने ।

तरुणदल क्षेत्र नं.४ का सभापति सन्जयथापा –प्रभाकरको अध्यक्षतामा भएको कार्यक्रममा महाधिवेशन प्रतिनिधिहरु केशरवहादुर बस्नेत,शुची चौधरी,भुटनीदेवी खवास,प्रदेश सदस्य दिननाथ आचार्य ,प्रेस युनियन मोरङका कार्यबाहक अध्यक्ष कौशल निरौला,लगायतको सहभागिता रहेको थियो ।