Birat Post सोमबार, आश्विन २४, २०७९ मा प्रकाशित

featured photo: Birat Post

विराटनगर,२४ असोज ।

मोरङमा नेकपा एमालेबाट प्रतिनिधि र प्रदेशसभाका उम्मेदवारले यसपटकको चुनावी प्रतिष्पर्धा अर्थपूर्ण हुने बताएका छन् । प्रेस चौतारी नेपाल मोरङले आइतबार साँझ विराटनगरमा आयोजना गरेको उम्मेद्वार भेटघाट कार्यक्रममा एमाले नेताहरुले यो निर्वाचनको कार्यदिशा नै संविधानको पूर्ण कार्यान्वयन भएकाले चुनावमा गठबन्धन र तालमेल भएको बताए ।

एमाले केन्द्रीय सदस्य तथा मोरङ ४ बाट प्रतिनिधिसभाका उम्मेदवार विनोद ढकालले एमालेलाई घेराबन्दी गर्ने कार्य भएकाले एमालेले बाध्य भएर गठबन्धन गरेको बताए । उनले सत्तासीन दलले गठबन्धन गर्नुको कारण प्रमाणित गर्न नसकेको बताए । एमालेले एक्लै सरकार बनाउनका लागि केहि स्थानमा तालमेल गरेको उनको भनाइ थियो । ‘एमाले एक्लैले स्थायी सरकार सञ्चालन गर्ने हो । त्यसका लागि तालमेलमात्र गरिएको हो ।’ उनले थपे ‘अब बन्ने सरकारले संविधानको पूर्ण कार्यान्वयन गर्ने भएकाले पनि यो अर्थपूर्ण छ ।’
एमाले स्थायी समित सदस्य तथा मोरङ क्षेत्र नम्बर ६ बाट प्रतिनिधिसभाका उम्मेदवार लालबाबु पण्डितले एमालेले विगतमा राम्रो जनमत प्राप्त गरेको भन्दै चुनावी अभियानलाई तीव्रता दिइने बताए । उनले विगतमा जस्तै यो पटक पनि एमालेले राम्रो जनमत प्राप्त गर्ने दाबी गरे ।

एमालेले जसपासँग तालमेल गरेपनि मोरङका कतिपय राम्रो मत प्राप्त गरेका क्षेत्रहरूमा फेरि पार्टीले आफ्नै उमेदवार उठाएको सुनाए । मोरङका प्रदेशसभामा नेता जीवन घिमिरे र पर्शुराम बस्नेतले पार्टीको निर्णयअनुरूप नै उमेदवारी दर्ता गराएको पण्डितले बताए । जसपालाई दिएको क्षेत्रमा एमालेले पुनः आफ्नै उमेदवार उठाएको हो । कार्यक्रममा मोरङ क्षेत्र नं.४ का प्रतिनिधिसभाका उम्मेदवार विनोद ढकाल, क्षेत्र नं.६ का उमेदवार लालबाबु पण्डितका साथै प्रदेशसभाका उम्मेद्वारहरु जयप्रकाश चौधरी, जीवन घिमिरे, रीता न्यौपाने र पर्शुराम बस्नेत समेतको सहभागिता रहेको थियो ।

सम्बन्धित

ताजा अपडेट
प्रधानमन्त्री ओलीले लिए शपथ, २२ सदस्यीय मन्त्रिपरिषद समेत गठन ( मन्त्रीहरुको सूची सहित)
लागूऔषध दुर्व्यसनी नियन्त्रणमा परिवारको भूमिका महत्वपूर्ण
भारतबाट चिनी आयात गर्न १० उद्योगलाई अनुमति

सम्पर्क

 

 

 

विराटपोष्ट डिजिटल प्रा.लि.

विराटनगर – मोरङ ,नेपाल

कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५

सूचना तथा प्रसारण विभाग दर्ता नं:१६६५/०७६/०७७
Email: [email protected] 

सामाजिक संजाल

सञ्चालक तथा सम्पादक

कौशल निरौला

 सम्पादन मण्डल 

रोशिका अधिकारी

स्वस्तिका पाेखरेल

  निर्देशक

सुजन निरौला

काठमान्डौं व्यूरो
   सम्पादक
विनोद पोखरेल

बिज्ञापनका लागि :

विराटनगर : ९८१२३०६६६०/ ९८५२०८७८२०
काठमान्डौं : यादव पोखरेल –  ९८४२०५९१२९

[email protected]

विराटपोष्ट  डिजिटल प्रा.लि.

विराटनगर – मोरङ ,नेपाल