Birat Post मंगलबार, आश्विन २५, २०७९ मा प्रकाशित
विराटनगर,२४ असोज ।
व्यवस्थित विराटनगरको परिकल्पनाकार मध्येका एक गोपाल रेग्मी यही मंसिर ४ गते हुने प्रदेश सभा निर्वाचनमा मोरङ क्षेत्र न,६ ९ख०बाट स्वतन्त्र उम्मेदवार बन्ने भएका छन ।
मतदाता र शुभचिन्तकहरुको निरन्तर दवाव परेपछि उनले प्रदेश सदस्यको उम्मेदवारी दर्ता गराएका हुन । जनताको समस्या सम्बोधन गर्न सक्ने र स्वार्थमा लिप्त नभएका उम्मेदवार छनौट गर्न सकस भैरहेको बेला रेग्मीको उम्मेदवारीले यहाँका मतदाता हौसिएका छन । उनको उम्मेदवारीले पार्टीबाट उम्मेदवार बनेकालाई सकस पर्ने देखिएको छ ।
विराटनगर महानगरपालिकाको प्रमुख प्रशासकीय अधिकृत भएर बस्दा रेग्मीले विराटनगरका २ सय किलो मिटर भन्दा बढी सानारठूला सडक फराकिलो पारेका थिए । एशियाली बिकास बैकले उनको कामै देखेर ६ अर्व रुपैया भन्दा बढी सहयोग गरेको थियो ।पछि भीम पराजुली मेयर भए सगै थप अन्य काम समेत अगाडी बढाएर विराटनगरको सडक चौडा र चिल्ला बन्न सकेकोमा रेग्मीलाई पनि श्रेय जान्छ ।
विराटनगर—६ निवासी मो समिल मियाँले रेग्मीको उम्मेदवारीले मतदाताहरुमा उत्साहा छाएको बताए । काम गर्ने उम्मेदवार आफूहरुको रोजाईमा परेको उनले स्पस्ट पारे । चुनावका बेला बाचा गर्ने जितेपछि ५ बर्ष फिर्किएर नआउने पार्टीका उम्मेदवारलाई उनको उम्मेदवारीले सकस पार्ने मियाँले बताए ।कांग्रेस प्रदेश नम्बर , १ का सदस्य समेत रहेका रेग्मीले पार्टीको व्यानर लिएर निर्वाचन नलडने गरि स्वतन्त्र उम्मेदवारी दिएका हुन ।
पार्टी र पार्टी बाहिर उनका धेरै शुभचिन्तक छन । यस क्षेत्रका समाजसेवी भद्र प्रतिष्ठित व्यक्ती , प्राध्यापक , वुद्धिजिवी, लगायत धेरै मतदाता उनको पक्षमा उभिएका छन ।
विराटनगरको विकासमा अतुलनिय योगदान गरेका कारण रेग्मी अझै पनि चर्चाको शिखरमा छन् । निडर र हक्की स्वभावका उनले विराटनगरको विकासमा गरेको योगदानको प्रशंसा अझै पनि नगरबासीमा ताजै छ । पार्टी भन्दा व्यक्ती हेर्ने लहर चलिरहेको बेला उनको उम्मेदवारीलाई मतदाताले शुभ संकेतको रुपमा हेरेका छन् ।
प्रयोगबिहीन झोलुङ्गे पुल सारिने
स्वास्थ्यमा महसुस हुने गरी काम हुँदै छ, बीमा ५ लाख पुग्छः स्वास्थ्यमन्त्री
सशस्त्र प्रहरी बल, सीमा सुरक्षा गुल्म रानीद्धारा माटोसहितको गमला र बिरुवा नष्ट
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
