featured photo: Birat Post

रंगेली २० कात्तिक ।
मोरङ क्षेत्र न.२ मा नेपाली कांग्रेस नेतृ सुजाता कोइरालाको लोभलाग्दो सक्रियता देखेर मतदाताहरुमा समेत उत्साह बढेको छ । यसै पनि गिरिजाप्रसाद कोइरालाको प्रभाव क्षेत्र मानिएको उक्त क्षेत्रमा उनकै छोरी सुजाता कोइराला प्रतिनिधिसभा सदस्यको उम्मेदवार बनेकी छन् ।

आफुमा युवा जोश रहेको र गिरिजा वावुको सपना पूरा गर्ने लक्ष्यका साथ आफु निर्वाचनमा होमिएको उनले बताएकी छन् । युवाहरुलाई रोजगार ,महिलाहरुलाई सीपमुलक तालिम ,क्षेत्रको सडक विस्तार तथा बाढीबाट बर्षेनी जनताले भोग्नु परेको समस्या समाधान गर्ने उनको लक्ष्य रहेको छ ।

गिरिजावावुले आफु पछी यस क्षेत्रको विकासका लागि सत्तामा रहदा वा नरहदा पनि गर्नु भनेको र त्यसलाई आत्मसाथ गर्दै काम गरिरहेको उनले बताइन् । निर्वाचनका बेलामात्रै नभएर अन्य वेला पनि यस क्षेत्रको सुख दु:खमा सहभागी भइरहेको उनले स्मरण गरिन् ।

विराटपोष्टको टिम संग कुरा गर्दै कोइरालाले भनिन् ,”ठूलो कुरा मैले गरेको छैन । मैले जे गर्न सक्छु त्यही कुरा जनतालाई भन्दै हिडिरहेको छु । म जे भन्छु,त्यही गर्छु ,जे भन्छु त्यही गर्छु भन्ने गर्नुहुन्थ्यो गिरिजावावु । मेरो पनि त्यही हो । यस क्षेत्रको विकास मेरो जिम्मा हो । यहाँनै केही गर्ने धोको ममा छ । यहाँको जिवन स्तरमा अव परिवर्तन हुन्छ ।”

यस्तै कोइरालाको समर्थनमा प्रतिस्पर्धी उम्मेदवार , विभिन्न पार्टीका मानिसहरु प्रवेश गर्ने तथा समर्थनको ओइरो लाग्न थालेको छ । उनले जीत आफ्नो पक्षमा पार्न गरेको प्रयास सफल भएको स्थानिय कार्यकर्ता मनोज बलाल बताउछन् । उनले पार्टीमा आउनेहरुलाई स्वागत मात्रै नभइ संग सगै लिएर क्षेत्रको विकासमा जुट्ने प्रतिवद्धता जनाएकी छन् ।