Birat Post सोमबार, मंसिर १२, २०७९ मा प्रकाशित
काठमाडौं ,१२ मंसिर ।
समानुपातिकमा माधव नेपालको पार्टी भन्दा सीके राउतको पार्टी अगाडि देखिएको छ । हाल सम्मको मतपरिणामले यही देखाएको छ । सीके राउतको पार्टी सातौँ स्थानमा छ भने माधव नेपालको पार्टी आठौँ स्थानमा रहेको छ ।
प्रतिनिधिसभाको समानुपातिकतर्फ नेकपा एमाले २५ लाख ३४ हजार ३२३ मतका साथ पहिलो स्थानमा रहेको छ । सोमबार बिहान ११ बजे सम्ममा एमाले नेपली कांग्रेस १ लाख ४४ हजार ४९२ मतले अगाडि रहेको छ । कांग्रेसले २३ लाख ९९ हजार ८३१ मतका साथ समानुपातिकतर्फ दोस्रो स्थानमा छ। त्यस्तै हाले उदाएको राष्ट्रिय स्वतन्त्र पार्टीले १० लाख ६३ हजार ७१८ मतका साथ तेस्रो स्थानमा छ ।
नेकपा (माओवादी केन्द्र)ले १० लाख ६२ हजार ७४७ मत पाएर चौंथो स्थानमा छ। पाँचौमा राष्ट्रिय प्रजातन्त्र पार्टीले ५ लाख ४५ हजार ६५६ , छैठौंमा जनता समाजवादी पार्टीले ३ लाख २६ हजार ३७२ मत पाएका छन् । सीके राउतको जनमत पार्टी माधव नेपाल अध्यक्ष रहेको नेकपा एकीकृत समाजवादी भन्दा अगाडि रहेको छ । सीके राउतको पार्टी सातौँ स्थानमा छ भने माधव नेपालको पार्टी आठौँ स्थानमा छ ।
जनमत पार्टी २ लाख ६२ हजार ८२६ मत पाएको छ । एसले २ लाख ५२ हजार २७ मत पाएको छ । रेशमलाल चौधरी अध्यक्ष रहेको नागरिक उन्मुक्ति पार्टीले २ लाख ३७ हजार ९६२ मत प्राप्त गरेर नवौँ स्थानमा रहेको छ । १ लाख २७ हजार ९१८ मतका साथ लोकतान्त्रिक समाजवादी पार्टी नेपाल दशौ स्थानमा रहेको छ ।
यही मङ्सिर ४ गते भएको निर्वाचनअन्तर्गत समानुपातिकतर्फ कूल ९३ लाख पाँच हजार सात सय ६६ मत गणना गरिएको छ ।
एमालेसँगको गठबन्धनको विकल्प नरहेको कांग्रेसको निष्कर्ष
निर्धारित समयमै पार्टीको महाधिवेशन हुनुपर्नेमा कोइरालाकाे जोड, गठबन्धको औचित्यमा प्रश्न
रेडक्रस मोरङले “रेडि” कार्यक्रम अन्तरगत जहदा गाउँपालिकामा १३ सय विरुवा रोप्दै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
