featured photo: Birat Post

विराटनगर,१३ जेठ । एनसेलले विराटनगरमा गर्ने सांगीतिक कार्यक्रमको तयारी पूरा भएको छ । विराटनगरमा शुक्रबार पत्रकार सम्मेलन गरी शनिबार दिउँसो २ बजेबाट विराटनगर ७ हाटखोला मैदानमा सुरु हुने सांगीतिक कार्यक्रमको सम्पूर्ण तयारी पुरा भएको आयोजकले जनाएको छ ।

सांगीतिक कार्यक्रममा नेपालको चर्चित कलाकारहरुको प्रस्तुती रहनेछ । सांगीतिक कार्यक्रममा अभिनेत्री केकी अधिकारी, गायक दीपक बज्राचार्य, एन्ड रिदम ब्यान्ड, लाउरे, सुनिल पण्डित, शिव परियार, द एलिमेन्ट्स र अस्मिता अधिकारीको प्रस्तुती रहनेछ । उनीहरुले आफ्नो चर्चित गीतहरु प्रस्तुत गरी रमाईलो गर्नेछ । प्रस्तुती दिन कलाकारहरु विराटनगर शुक्रबार आइपुगेका छन् ।

शनिबार दिउँसोदेखि करिब ६ घण्टा चल्ने कन्सर्टमा दर्शकको मन जित्ने प्रयत्न गर्ने दिपक बज्राचार्यले बताए । कोशी प्रदेशको राजधानीमा हुन लागेको यो भव्य साँस्कृतिक कार्यक्रम नछुटाउन आशिष राना ९लाउरे० ले दर्शकलाई आग्रह गरे । कार्यक्रमको प्रत्यक्ष प्रसारण एनसेलको फेसबुक पेजबाट पनि हुने भएकाले सबै तिर छरिएर रहेका नेपालीले आनन्द लिने पाउने रानाले बताए ।

कार्यक्रम स्थलमा रहने एनसेलको स्टल मार्फत कम्पनिले प्रदान गर्दै आएको सेवा एवं सुविधाका बारेमा पनि दर्शकलाई जानकारी गराइने आयोजकले बताएको छ । यो कार्यक्रमले हालको शिथिल बजारलाई चलायमान बनाउन सहयोग पुग्ने एनसेलको विश्वास छ । यसअघि एनसेलले नयाँ वर्ष २०८० को अवसरमा वैशाख २ मा काठमाडौंमा एनसेल प्रिजेन्टस् १६ औं दरबारमार्ग सडक महोत्सव पर्पल स्याटर्डे आयोजना गरेको थियो ।

अर्थतन्त्र, पर्यटन व्यवसायको उत्थानमा र आन्तरिक पर्यटनको प्रवर्द्धन गर्ने लक्ष्यका साथ पर्पल स्याटर्डे आयोजना गरिएको एनसेलले जनाएको छ । यस सांगितिक कार्यक्रममा सहभागी हुन ईच्छुक एनसेलका ग्राहकहरुले नजिकैको एनसेल सेन्टर वा आधिकारिक बिक्रेताकोमा सम्पर्क गरि कार्यक्रमको टिकट लिन सकिने छ ।

सम्बन्धित

भिजिट भिसा प्रकरणमा रास्वपाको माग यथावत्, सदनको अवरोध कायमै राख्ने निर्णय

नेपालले श्रीलङ्कालाई ८-० गोलले हरायो, कप्तान सावित्राको ह्याट्रिक

माओवादी सशस्त्र द्वन्द्व अन्त्य गर्न गिरिजाप्रसाद कोइरालाको नेतृत्व निर्णायक थियो : नेता भीम पराजुली

एएफसी महिला एसियन कप छनोट : आज नेपाल र श्रीलंका भिड्दै