Birat Post बिहिबार, आश्विन २७, २०७९ मा प्रकाशित
रोशिका अधिकारी
कोही पनि व्यक्ति आफैमा परिपक्व र परिपूर्ण हुन्छ भन्नेमा म विश्वास गर्दिन । समाजका लागि राम्रो गर्छु भन्नेहरुपनि कहिलेकाही त्यही समाजवाट विचलित बन्छ र बन्न बाद्य पनि छन् । परिपक्वता भन्ने विषय काम गर्दै जादा आउने पक्वता हो । परिपूर्ण भन्ने विषय जीवनको उत्तरार्धमा पनि हुन्न । मानिसले असन्तोष गर्नु पनि पर्छ तर जल्नेगरी भने होइन । यही समाजका ती पात्र जसलाई म खोतल्न खोजीरहेको छु । केही समय देखिका गतिविधि नियाल्दै म एउटा निष्कर्षमा पुगे र यो आलेख लेख्दै छु ।
भीम पराजुली बुझ्नेहरुले भन्न थाले “भीम त भुइ मान्छे हो नी उसको न बाबु प्रधानमन्त्री न मन्त्री ?उ आज जहाँ आइपुगेको छ ,त्यो उसको धर्म र इमान्दारिताले हो । मैले नजिकबाट नियालेको मानिस भीम पराजुली बास्तवमा भुइ मानिसनै हो ।
उनी हुन् युवा नेता भीम पराजुली । उनले यो कद बनाउन गरेको मेहनत देखेजस्तो सहज छैन । विद्यार्थी राजनीति बाट शुरु भएको यात्रामा उनको न समाउने न टेक्ने ठाउँ थियो । महेन्द्र मोरङ क्याम्पस विराटनगरको स्ववियु सभापति ,नेपाली कांग्रेस विराटनगरको २ पटक सभापति,विराटनगर महानगरमा गणतन्त्र स्थापना पछिको पहिलो मेयर र मेयर हुदै गर्दा नेपाली कांग्रेस केन्द्रीय सदस्य बन्न सफल भए । कांग्रेस विराटनगरको नगर सभापति बाट सिधै केन्द्रीय सदस्य बन्न सफल उनी सायद कांग्रेसको इतिहासमा उनिनै पहिलो होलान् ।
यति त उनको पदिय जिम्मेबारीका कुरा भए । २०७८ बैशाखमा भएको स्थानीय निर्वाचनमा उनी विराटनगर महानगरको पुनः मेयर बन्ने लक्ष्यमा दौडिए तर त्यहाँ भने सफलता हात लागेन । सगै मेयर बनेका भरतपुर महानगर रेनु दाहाल र ललितपुर महानगरमा चिरीवावु महर्जनले पुनः टिकट पाए उनीहरु विजयी भए । भीम पराजुली बुझ्नेहरुले भन्न थाले “भीम त भुइ मान्छे हो नी उसको न बाबु प्रधानमन्त्री न मन्त्री ? उ आज जहाँ आइपुगेको छ ,त्यो उसको धर्म र इमान्दारिताले हो ।
मैले नजिकबाट नियालेको मानिस भीम पराजुली बास्तवमा भुइ मानिसनै हो । उनले विराटनगर महानगरमा रहदा जे गरे समय अनुसार सही गरे । नियम ,कानुन ,ऐन केही थिएन । सवै बनाए । कर्मचारी अभाव थियो । स्थानिय र प्रदेशमा कर्मचारीको पूर्णतया अभाव थियो । त्यसलाई पूर्णता दिए । विराटनगर हिलाम्मे,धुलाम्मे र खाल्डा खुल्डीको शहर थियो ,एउटा राम्रो बसपार्क थिएन त्यो बनेको छ । आज जे छन् नयाँ संरचना त्यो भीम पराजुलीकै पालामा पुरा भएको हो । नयाँ संरचना अनुसार वडा कार्यालय थिएनन् । १९ वटै वडाकार्यालयहरु सञ्चालनमा ल्याए ।भवन सुधार अभियान चलाए । स्वास्थ्य कार्यालय थिएनन् । कोरोनाले मानिसलाई गलाएको थियो । स्वास्थ्यकर्मीको अभाव थियो ।काम गर्न मानिस नमान्ने स्थिती थियो । सवै वडामा क्वारेन्टाइन र स्वास्थ्य सेवाको पहुचलाई कमी हुन दिएनन् । शिक्षामा सुधार गरे । कामकै फेहरिस्त लगाउने हो भने धेरै लेख्न सकिन्छ ।
मानिसहरुले मुल्याङन गरिसकेका छन् । अहिले मानिस बुझ्ने मात्रै होइन समान ती ब्यक्तिहरुमार्थी विश्लेषण गर्नपनि सक्ने भएका छन् । आजको मितिमा भीम पराजुली आवश्यकता हुन् अर्थात् उनी डेटएक्सपाएर हुनेबेला भएको छैन । उनले जिम्मेबारीमा रहदा विराटनगरमा जे दिए त्यसलाई कम नआकौ । यो या त्यो नजिक या नातो वा सम्वन्ध मेरो पराजुली संग केही छैन ।
गुण र दोषका आधारमा आलेख लेख्ने जमर्को गरेको हु । अहिले उनी नेपाली कांग्रेसको केन्द्रीय सदस्यपदमा रहदा पनि उनको सक्रियतालाई आशाकोरुपमा हेरिएको छ । आगामी मंसिर ४ गते हुने प्रदेश सभा र प्रतिनिधि सभाको चुनाव हुन गइरहेको छ । पराजुली प्रदेश सभा सदस्यको उम्मेदवार बनेका छन् । उनको आवश्यकता अझै छ । त्यसका लागि जनमतलाई पर्खनै पर्छ । मेरो तर्फबाट पराजुलीलाई जनमत बाट पाउने आगामी कार्यदिशा र जिम्मेवारीका लागि शुभकामना ।
प्राथमिक उपचारसम्बन्धी कार्यशाला गोष्ठी सम्पन्न
रास्वपाको असोज १ र २ गते राष्ट्रिय भेला हुने
भारतीय कम्युनिष्ट नेता यचुरीको निधन
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
