Birat Post मंगलबार, चैत्र ०७, २०७९ मा प्रकाशित
काठमान्डौ,७ चैत ।
सोमबार प्रधानमन्त्री पुष्पकमल दाहाल प्रचण्डले दोस्रोपटक संसद्मा विश्वासको मत प्राप्त गरे । प्रतिनिधिसभामा भएको मतदानमा उनले ६५.६४ प्रतिशत मत प्राप्त गरे । त्यसलगत्तै उनले बोलेको पहिलो वाक्य थियो,‘अव चार दिन भित्रै सरकारलाई पूर्णता दिन्छु ।’ तर, मन्त्रिपरिषद् विस्तार गर्न उनले बोलेजस्तो सहज भने छैन ।
प्रधानमन्त्रीले लिएको चार दिने समयमध्ये एक दिन बितिसकेको छ । आफ्नो प्रतिबद्धता पूरा गर्न उनीसँग अब तीन दिन मात्रै बाँकी छ । यता सरकारलाई विश्वासको मत दिने दलहरूको संख्या धेरै हुनु तथा उनीहरूबाट धेरै र शक्तिशाली मन्त्रालयमा दाबी गरिनुले मन्त्रिपरिषद् विस्तारमा सकस हुने देखिन्छ ।
सरकारको नेतृत्व गरिरहेको माओवादीले अहिले सम्हालिरहेका मन्त्रालयबाहेक थप गृह वा अर्थ मन्त्रालयमध्ये एक पाउनुपर्ने दाबी पेस गरेको छ । यी मन्त्रालय हुँदा प्रधानमन्त्रीलाई काम गर्न सहज हुने माओवादीको मत छ ।
माओवादीले हाल उपप्रधानसहित भौतिक पूर्वाधार तथा यातायात मन्त्रालय, सञ्चार तथा सूचना प्रविधि, संस्कृति, पर्यटन तथा नागरिक उड्डयन, संघीय मामिला तथा सामान्य प्रशासन मन्त्रालयको नेतृत्व गरिरहेको छ । संस्कृति, पर्यटन, तथा नागरिक उड्यन राज्यमन्त्रीको जिम्मेवारी पनि माओवादीकै सुशीला सिर्पाली ठकुरीले सम्हालिरहेकी छन् ।
सबै दललाई मन्त्रालयको भागबण्डा पुर्याउनुपर्ने बाध्यता भएकाले थोरै मन्त्रालय लिएर सरकारमा सहभागी हुन प्रधानमन्त्री प्रचण्डले कांग्रेसलाई आग्रह गरेका छन् ।
पुस १० मा प्रचण्डले गठबन्धन बदलेपछि प्रतिपक्षमा धकेलिएको कांग्रेस पुन: सरकारमा जाने तयारीमा छ । कांग्रेसले अर्थ, परराष्ट्र, भूमि व्यवस्था, कृषि, स्वास्थ्य, रक्षा, सहकारी तथा गरिबी निवारण, महिला, बालबालिका र उद्योग मन्त्रालयमा दाबी पेश गरेको छ । यी मन्त्रालय लिएर पार्टीभित्रका सबै गुट, उपगुटको प्रतिनिधित्व हुने गरी मन्त्री चयन गर्ने कांग्रेसको तयारी छ । गठबन्धनका रहेका सबै दललाई मन्त्रालयको भागबण्डा पुर्याउनुपर्ने बाध्यता भएकाले थोरै मन्त्रालय लिएर सरकारमा सहभागी हुन प्रधानमन्त्री प्रचण्डले कांग्रेसलाई आग्रह गरेका छन् ।
एकीकृत समाजवादीले गृह, स्वास्थ्यसहित तीन मन्त्रालय दाबी गरेको छ । गठबन्धनबाट उपराष्ट्रपति पाइसकेको जसपाले पनि परराष्ट्रसहित तीन मन्त्रालयमा दाबी गरेको छ । लोसपाको दाबी एक मन्त्री र एक राज्यमन्त्रीमा छ भने जनमतले दुई मन्त्रालय पाउनुपर्ने अडान लिएको छ । हाल जनमत पार्टीबाट अब्दुल खान खानेपानी मन्त्री छन् ।
नेसपा र आम जनता पार्टीको एक–एक मन्त्रालयमा दाबी छ । सरकारलाई विश्वासको मत दिएको रवि लामिछाने नेतृत्वको राष्ट्रिय स्वतन्त्र पार्टी भने अहिलेसम्म अनिर्णित छ । सरकारलाई विश्वासको मत दिए पनि नागरिक उन्मुक्ति पार्टीले माग पूरा भएपछि मात्रै सरकारमा जाने अडान लिएको छ । टीकापुर हत्याकाण्डमा अदालतबाट दोषी ठहर भई कैद भुक्तान गरिरहेका रेशम चौधरीको रिहा र यससम्बन्धी अभियोग लागेकाको मुद्दा फिर्ता हुनुपर्ने नागरिक उन्मुक्तिको माग रहँदै आएको छ ।
सत्ता गठबन्धनमा सामेल राष्ट्रिय जनमोर्चाले भने यो सरकारमा सहभागी नहुने निर्णय गरेको छ । सोमबार चार दिन भित्रै सरकारलाई पूर्णता दिने बताएका प्रधानमन्त्री प्रचण्डले अबको तीन भित्र मन्त्रीमण्डल विस्तार गर्लान् वा नगर्लान् । त्यसको जवाफ भने अवको तीन दिनपछि थाहा हुनेछ ।
केन्द्रबिन्दु डट.कमबाट
एमालेसँगको गठबन्धनको विकल्प नरहेको कांग्रेसको निष्कर्ष
निर्धारित समयमै पार्टीको महाधिवेशन हुनुपर्नेमा कोइरालाकाे जोड, गठबन्धको औचित्यमा प्रश्न
रेडक्रस मोरङले “रेडि” कार्यक्रम अन्तरगत जहदा गाउँपालिकामा १३ सय विरुवा रोप्दै
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
