featured photo: Birat Post

विराटनगर,३० बैशाख ।
निर्माण कार्य गुणस्तरीयताको माग राख्दै हाइटेन्सन लाइन प्रशार भएको पोलमा चढेका मोरङ बुढीगंगाका युवा दिनेशकुमार माझी ११ घण्टापछि पोलबाट ओर्लिएका छन् । अध्यक्ष र उपाध्यक्ष सहित गाउँपालिकाका जनप्रतिनिधिहरुले उनको माग सम्बोधन गर्ने र भ्रष्टाचार हुन नदिने प्रतिबद्धता जनाएपछि पोलबाट ओर्लिएका छन् ।

बुढीगंगा गाउँपालिका – ७ डंग्राहाका ४० वर्षीय दिनेश कुमार माझी सडक निर्माण भइरहेको रिटेनिङ वालको काम रोक्न र भइरहेको भ्रष्टाचार रोक्न माग राख्दै हाइटेन्सन लाइनको पोलमा चढेका थिए । गाउँपालिका अध्यक्ष जित नारायण थापा मगर र उपाध्यक्ष अमृता कुमारी गच्छदार थारुले आफनो मागलाई वेवास्ता गरेको भन्दै आत्मदाह गर्ने चेतावनी दिएका कारण उनको उद्दार गर्न कठिन भएको थियो ।

गाउँपालिका अध्यक्ष र उपाध्यक्षले उक्त स्थानमा पुगेर माग सम्बोधन गरेपछि माझी पोलबाट ओर्लिएका छन् । उनले माग संवोधन नभएको भए आत्मदाह गर्ने थिए भनेर आफ्नो प्रतिक्रिया दिएका छन् ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित