featured photo: Birat Post

काठमान्डौं,१८ असोज ।
देशभरका विभिन्न स्थानमा धार्मिक आन्दोलनका शंकेत देखा परेपछि सरकारले सेना परिचालनको बाटो रोजेको छ । उसले सेनालाई हाइअलर्टमा बस्न समेत निर्देशन दिएको छ ।
देशभरका विभिन्न स्थानमा धार्मिक तनावको स्थिति देखिँदा सरकारले नेपाली सेनालाई उच्च सतर्क अवस्थामा रहन निर्देशन दिएको हो ।

प्रधानमन्त्री पुष्पकमल दाहाल, उपप्रधानन्त्री पूर्णबहादुर खड्का, अर्थमन्त्री प्रकाशशरण महत, परराष्ट्रमन्त्री एन पी साउदसहित सबै सुरक्षा निकायको प्रमुख रहेको राष्ट्रिय सुरक्षा परिषद्को बुधबार सिंहदरबारमा बसेको बैठकले सेनाका तलैसम्मका युनिटहरुलाई उच्च सतर्क अवस्थामा रहन निर्देशन दिएको हो।

नेपालगञ्जमा मंगलबार १ बजेदेखि लगाइएको कर्फ्यू अझै कायमै छ। नेपालगञ्जमा सेना परिचालन गरेर स्थिती नियन्त्रणमा लिने प्रयास गरिएको छ । यद्यपी धार्मिक गुरुहरु पक्राउको विरोधमा हिन्दूवादीहरु अझ आक्रामक देखिएका छन् । ठाउँ-ठाउँमा आन्दोलनका शंकेत देखा परेपछि सेना हाइअलर्टमा बसेको हो ।