featured photo: Birat Post

वीरगञ्ज,२८ साउन । माछा खाएपछि झाडापखाला र बान्ता भएका बाराका एकै घरका तीन जना बालबालिकाको मृत्यु भएको छ। उनीहरु एकै घरका हुन् ।

सिम्रौनगढ नगरपालिका–७ झवानी टोलका नरेश रामकी दुई छोरी र एक जना छोराको मृत्यु भएको हो। उनकी ९ वर्षीया छोरी ललिमा राम, ७ वर्षीया पुष्पा राम र पाँच वर्षीय छोरा कृषनन्दन रामको मृत्यु भएको हो।

तीनै जनामा खाना खाएपछि अचानक स्वास्थ्यमा समस्या आएको थियो। बान्ता र झाडापाखाला लागेपछि उपचारको लागि वीरगञ्जस्थित नारायणी अस्पतालमा भर्ना गरिएको थियो। उपचारको क्रममा तीनै जना बालबालिकाको मृत्यु भएको बारा प्रहरीले जनाएको छ ।

किनेर ल्याइएको माछा पकाएर घरमै खाएपछि बालबालिकाको स्वास्थ्यमा समस्या आएको भनि बुझिएको र पोष्टमार्टम रिपोर्ट आएपछि थप कुरा खुल्ने बाराका प्रहरी उपरीक्षक महेन्द्र खड्काले जानकारी दिए।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित