Birat Post शनिबार, आषाढ २१, २०८२ मा प्रकाशित
विराटनगर,२१ असार । विराटनगरमा रहेको श्री हस्पिटलमा घरधनीले ताला लगाइदिएपछि विवाद उत्कर्षमा पुगेको छ । घरभाडा वापतको भुक्तानी नपाएको भन्दै शुक्रबार घरधनी सुष्मा सिंहले ताला लगाइदिएकी छन् । तर अस्पताल प्रशासनले भने उल्टै घरभाडा वापतको रकम बढी तिरेको दावी गरेको छ । पत्रकार सम्मेलन गर्दै अस्पतालले घरको डेकुरेसन र भौतिक संरचना बनाउदा लागेको रकम पनि भाडावापतनै जोडिने सर्त रहेपनि घरवेटीले त्यसको हिसाब नगरेको बताएको हो ।
यता पाँच महिनादेखि भाडा वापतको रकम नपाएको र पुरानो बाँकी रकम पनि नपाएपछि ताला लगाउन बाध्य भएको घरधनी सिंहको भनाइ छ ।
यो कुरालाई अस्पताल प्रशासन भने इन्कार गरेको छ । हस्पिटलका अध्यक्ष सुनिल कुमार यादवका अनुसार घर मर्मतको खर्च घरबेटीले तिर्ने गरी सम्झौता भएको थियो। हामीले ५३ लाख ६३ हजार रुपैयाँ भाडा वापतको रकम बुझाइ सकेका छौं । पत्रकार सम्मेलनमा उनले भने, हामीले भाडा वापतको रकम दिन बाँकी छैन। घर मर्मतको रकम जोड़ने हो भने उहाँसँग २१ लाख बढी हामीले उल्टै पाउने देखिन्छ ।
मासिक दुई लाख ५० हजार भाडा तिर्ने गरी २०८० सालमा घरधनीसँग सम्झौता भएको र सोही बमोजिम आफूहरूले भाडा तिर्दै आएको उनले बताए । हस्पिटलका अध्यक्ष यादबका अनुसार ताला लगाइएका कारण हस्पिटलमा रहेका तीन जना बिरामीलाई अन्यत्र पठाउनु परेको छ। उनले आफूहरूमाथि अन्याय भएको बताए । यसलाई लिएर विराटनगर महानगरको न्यायीक समितिले घरबेटीको पक्षमा फैसला गरिदिएको छ । बलपूर्वक घरवेटीले अस्पतालजस्तो संवेदनशिल क्षेत्रमा ताला लगाएर मानवीय संवेदनाको विचार नगरिएको भन्दै अस्पताल प्रशासन अदालत जाने भएको छ । हस्पिटलका सञ्चालक सुनिल कुमार यादवले अन्याय भएपछि अदालत जानुको विकल्प नभएको बताए ।
‘मिस नेपाल२०२५’ को उपाधि लुँइटेलले पाउन सफल
कांग्रेस विराटनगर–४ द्वारा क्रियाशिल वितरण सम्पन्न, अब टोल –टोलमा छलफल पनि चलाउने
यस्तो छ आज देशभरको मौसम
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
