Birat Post शुक्रबार, भाद्र १३, २०८२ मा प्रकाशित
विराटनगर १३ भदौ । मोरङको बुढीगंगा गाउँपालिकाले फुटवल टिम तयार गर्ने भएको छ । बुढीगंगा गाउँपालिकाका तर्फबाट विभिन्न प्रतियोगिताहरुमा सहभागिता जनाउने गरि गाउँपालिकाले फुटवल टिम तयार गर्न लागेको हो ।
यूवाहरुको व्यक्तित्व विकास र कुलतबाट जोगाउने उद्देश्यले गाउँपालिकाले फुटवल टिम तयार गर्न लागेको अध्यक्ष जितनारायण थापा मगरले जानकारी दिनुभयो । उहाँले निरन्तर अभ्यासका लागि फुटवल खेलाडीका लागि कोच र डाईटको व्यवस्था गाउँपालिकाले नै गर्ने बताउनुभयो ।
खेलकुदका माध्यमबाट गाउँपालिकालाई चिनाउने उद्देश्य राखिएको उहाँको भनाई छ । अध्यक्ष थापा मगरले भन्नुभयो,‘ ८ वर्ष उमेर समूहका खेलाडीहरुलाई समेटेर क्लव बनाएर खेलको प्रशिक्षण गर्ने तयारी गरेका छौं ।’ उहाँले फुटवलका गतिविधिहरु पालिकास्तरबाटै सञ्चालन गरिने बताउनुभयो । उहाँले चाँडै अन्तरपालिका स्तरिय फुटवल प्रतियोगिता आयोजना गर्ने सोच रहेको समेत बताउनुभयो । गाउँपालिकाले खेलकुदलाई प्राथमिकतामा राखेर काम गरिरहेको अध्यक्ष थापा मगरले बताउनुभयो ।
बुढीगंगा गाउँपालिका अन्र्तगतको गाउँ यूवा परिषद्ले गत असार १३ देखि २१ गते सम्म आयोजना गरेको वडा स्तरिय फुटवल प्रतियोगिताबाट ३२ खेलाडी छनौट गरि गाउँपालिकालाई आज हस्तान्तरण गरेको छ । प्रारम्भिक चरणमा आएका २ सय खेलाडीबाट छनौट गरि ३२ जना खेलाडी गाउँपालिकालाई हस्तान्तरण गरिएको गाउँ यूवा परिषद्का अध्यक्ष पुजेश कोइरालाले बताउनुभयो । उहाँले भन्नुभयो,‘ अखिल नेपाल फुटवल संघ–एन्फाको नियम अनुशार खेलाडी छनौट गरिएको छ ।’
गाउँ यूवा परिषद्ले फुटवल खेल प्रतियोगिताको आज प्रगति प्रतिवेदन सार्वजनिक गर्दै छनौट गरिएका खेलाडी गाउँपालिकालाई हस्तान्तरण गरिएको अध्यक्ष कोइरालाले बताउनुभयो । गाउँपालिकाको १२ लाख रुपैयाँँको सहयोगमा परिषद्ले वडास्तरिय प्रतियोगिता आयोजना गरेको उहाँले बताउनुभयो । उहाँका अनुशार ७ वटा वडा र १३ वटा माविको एक टिम गरि ८ वटा टिमवीच प्रतियोगिता आयोजना गरिएको थियो ।
प्रतियोगिताको उद्देश्य फुटवल खेलाडीको प्रतिभा पहिचान गरि उत्कृष्ट खेलाडी छनौट गर्नु रहेको परिषद्का अध्यक्ष कोइरालाले बताउनुभयो । वडास्तरमा खेल सञ्चालन गरि खेलाडी छनौट गरि पालिका स्तरको कार्यक्रम गरिएको उहाँले बताउनुभयो ।
यस्तो छ आज देशभरको मौसम
प्रतिनिधिसभाबाट भूमिसम्बन्धी विधेयक पारित
अदालतद्वारा थाई प्रधानमन्त्री शिनावात्रा बर्खास्त
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
