featured photo: Birat Post

मोरङ,११ माघ । ऋषिदेव समुदायको १६ ओैं माटो दिवस तथा दिनाभद्री महोत्सवको कोशी प्रदेशका पर्यटन,वन तथा वातावरण मन्त्री भीम पराजुलीले उद्घाटन गर्नु भएको छ । प्रारम्भ बिकास केन्द्र बुढीगंगा -२ थानपर्टिले कार्यक्रम आयोजना गरेको हो । शनिबार भएको कार्यक्रममा मन्त्री पराजुलीले प्रदेश सरकार पनि छ भन्ने आभाषका साथ काम गर्ने बताउनु भयो । उहाँले धार्मिक पर्यटन र युवाहरुलाई जोडेर केही नयाँ काम गर्ने सोचका साथ अगाडि बढिरहेको बताउनु भयो ।

महोत्सवमा बिभिन्न देवीदेवताहरु प्रहसनमा राखिएको छ भने ऋषिदेव समुदायको सांस्कृतिक भेषभुषालाई प्रदर्शन गरिने भएको छ । मेला १० दिन सम्म सञ्चालन हुने बताइएको छ । कार्यक्रममा बुढीगंगा गाउँपालिका अध्यक्ष जित नारायण थापा मगरले स्थानीय जातजातिका धर्म ,संस्कृति संरक्षणमा समेत काम गरिरहेको बताउनु भयो ।