Birat Post मंगलबार, भाद्र १७, २०८२ मा प्रकाशित
विराटनगर,१७ भदौ । उद्योग, कृषि तथा सहकारी मन्त्रालय कोशी प्रदेशका सचिव शरणकुमार पाण्डेले ‘पावर एक्सरसाइज’ को प्रयास गरेका छन् । मन्त्रालयवाट गत साउन २८ गते कृषि तथा पशुपन्छी विकास मन्त्रालय काठमाडौं सरुवा भएपनि उनी ‘पावर एक्सरसाइज’ गरेर कोशी प्रदेशमै फर्किएका छन् । उद्योग, कृषि तथा सहकारी मन्त्रालय कोशी प्रदेशमा रहदा मन्त्री खगेनसिं हाङगाम संग सचिव पाण्डेको मतभेद बढेको थियो । मन्त्री हाङगामलाई चुनौती दिने भन्दै सचिव पाण्डे पुनः मन्त्रालयमै फर्किन खोजेको जानकारहरु बताउछन् ।
यस संगै सरुवा भएका पाण्डेले उल्टै मन्त्रालयको सवारीसाधन प्रयोग गर्दै हिडिरहेको समेत पाइएको छ । गाडि दुरुपयोग भएको घटना सार्वजनिक हुनेवित्तिकै मन्त्रालयले गाडि फिर्ता बोलाएको थियो । यस विषयलाई उल्टै उचालेर सचिव पाण्डेले मिडियावाजी गरेको समेत पाइएको छ ।
यस सगै सचिव पाण्डेलाई मुख्यमन्त्री कार्यालयमा कामकाजको लागि गत भदौ १३ गते मन्त्रीपरिषदको बैठकको निर्णयले खटाएको थियो । मुख्यमन्त्री कार्यालय अन्तर्गत खटाइएको कर्मचारीलाई मन्त्रालयले सेवा सुविधा दिन नमिल्ने कानूनी प्रावधान छ । सचिव भएर मन्त्रालयमा आएदेखीनै मन्त्रालय मातहतका कर्मचारीसँग काम गर्ने वातावरण सचिवले वनाउन सकेका थिएनन् । यस संगै मन्त्रीका हरेक निर्णयहरुलाई कार्यान्वयनमा नलाने ,धेरै समय भ्रमण र विदामा वस्ने गरेका कारण मन्त्रालयका काम प्रभावित समेत बनेका थिए ।
एकातीर सरुवा भएको कर्मचारी किन त्यही मन्त्रालय बस्न चाहन्छन् ? भन्ने विषयमा समेत कर्मचारी वृतमा चर्चा हुन थालेको छ । मन्त्री हाङगामको सचिवालयले गाडिको विषयलाई लिएर सचिव पाण्डेले तिलको पहाड बनाउन खोजेको प्रतिक्रिया दिएको छ । यता मन्त्री हाङगामले समेत अनावश्यक विषयमा टिप्पणी नगर्ने प्रतिक्रिया दिएका छन् ।
यस्तै सचिव पाण्डेले आफ्नो सरुवा भए पनि फेरि सरुवा रद्द भएका कारण मन्त्रालयमै रहेर काम गर्दै आएको दावी गरेका छन् । ‘सरुवा भएको पनि सही हो, फेरि यहीँ कायम भएको थियो’ उनको भनाइ छ ।
दर्ता नभएका २६ सामाजिक सञ्जाल निष्क्रिय पार्न इन्टरनेट सेवा प्रदायकलाई प्राधिकरणको पत्र
सामाजिक सञ्जाल बन्द गर्ने सरकारको निर्णय आपत्तिजनक : डा.शेखर कोइराला
भोलि विराटनगर क्षेत्रभित्र सार्वजनिक विदा
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
