Birat Post आइतबार, चैत्र १५, २०८२ मा प्रकाशित
विराटनगर,१५ चैत । कोशी प्रदेशका सांसदहरूले पूर्वप्रधानमन्त्री तथा नेकपा एमाले अध्यक्ष केपी शर्मा ओली र पूर्वगृहमन्त्री तथा नेपाली कांग्रेस नेता रमेश लेखकको रिहाइको माग गरेका छन् । आइतबारको प्रदेशसभा बैठकमा बोल्दै सांसदहरूले राजनीतिक प्रतिशोधका आधारमा पक्राउ गरेको भन्दै रिहाइको माग गरेका हुन् । नागरिकको अधिकारको आन्दोलनमा बलीदान दिएका नेताहरु माथि गरिएको अमानवीय धरपकट र कानूनविपरितका काम रोक्न उनीहरुले आग्रह गरेका थिए ।
बैठकको शून्य समयमा बोल्दै सांसद डोल्मा तामाङ, सिर्जना राई, किशोरचन्द्र दुलाल,मीना श्रेष्ठ,गीतादेवी रेग्मी,खगेश्वरी पौडेल र होमबहादुर थापाले नयाँ सरकारले गठन भएको २४ घण्टा नबित्दै गरिएका धरपकडहरु गलत भएको र तत्काल नेताको रिहाइ गर्न माग गरे ।
्यस्तै विशेष समय लिएर बोल्दै एमाले सांसद तिलकुमार मेन्याङ्बोले नागरिकको अधिकारको आन्दोलनमा बलीदान दिएका नेताहरु माथि गरिएको अमानवीय धरपकट र कानूनविपरितका काम रोक्न आग्रह गरे । हिजोका दिनमा विश्वइतिहासलाई चकित पार्दै नेपालमा भएका अनेकौ राजनैतिक समस्याको हल गरिएको भन्दै उनले धरपकडको राजनीति नगर्न आग्रह गरे ।
नागरिकको अधिकारको आन्दोलनमा बलीदान दिएका नेताहरु माथि गरिएको अमानवीय धरपकट र कानूनविपरितका काम रोक्न उनीहरुले आग्रह गरेका थिए । उनले भदौ २३ र २४ को घटना छानविन गर्न बनेको आयोगको प्रतिवेदनलाई आधार बनाएर गैर कानूनीरुपमा धरपकट गर्ने र देशलाई द्वन्द्वमा धकेल्ने काम नगर्न सुझाए ।
कोशी प्रदेश सभा बैठकमा ओली, लेखक रिहाइको माग : राजनीतिक प्रतिशोध नसाध्न सांसदहरूले गरे आग्रह
विराटनगरमा ‘घर निर्माण प्रदर्शनी’ सुरु
बालेन्द्र शाह दलको नेता चयन, प्रधानमन्त्रीको शपथ लिने बाटो खुल्यो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
