featured photo: Birat Post

काठमान्डौ २९ जेष्ठ ।
प्रमुख विपक्षी दल नेपाली कांग्रेसले सरकार असफल भएको निश्कर्ष निकालेको छ । सरकारका कामहरु सन्तोषजनक नभएको भन्दै कांग्रेसले पटक पटक सचेत समेत गराइरहेको छ । यस्तै विद्यमान कोरोना भाइरस (कोभिड–१९) विरुद्धको लडाईमा सरकार असफल भएको भन्दै कांग्रेसले प्रधानमन्त्रीलाई भेटेर ज्ञापन पत्र बुझाएको छ । क्वारेन्टाइन स्थलहरु व्यवस्थित गर्नुपर्ने, पीसीआर टेष्ट बढाउनुपर्ने राहतका प्याकेजहरु प्रभावकारी बनाउनुपर्ने कांग्रेसले बताउदै आएको छ ।

कांग्रेसले संसदीय दलमार्फत केन्द्रमा प्रधानमन्त्री र प्रदेशका मुख्यमन्त्रीहरुको ध्यानाकर्षण गराउने निर्णय समेत भएको कांग्रेस केन्द्रीय सदस्य कृष्णप्रसाद सिटौलाले जानकारी दिए । सरकारका काम सन्तोषजनक नभएको र यसका लागि कांग्रेसले थप दबावका कार्यक्रम गर्दै जाने सिटौलाले बताए । यस्तै असार २ गते सबै जिल्ला प्रशासन कार्यालय र विदेशस्थित नेपाली दूताबासमार्फत पनि ध्यानाकर्षण पत्र बुझाउने कांग्रेसले निर्णय गरेको छ ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित