featured photo: Birat Post

विराटनगर १४ असार /
चीनले आफ्ना सैनिकलाई तालिम दिन भन्दै मार्सल आर्टका २० प्रशिक्षकलाई तिब्बत पठाउने भएको छ । जुन १५ मा भारतको पूर्व लद्दाखसँग सीमा जोडिएको स्थानमा भारतीय सैनिकसँग भएको भिडन्तपछि चीनले सीमा क्षेत्रमा थप सुरक्षा निगरानी बढाएको छ । २० जनाको ज्यान जानेगरी भएको उक्त घटनाको बिश्वव्यापी आलोचना समेत भएको थियो ।

यो घटना संगै भारत पनि आक्रामक देखिएको छ । भारतले ती क्षेत्रहरुमा थप सहयोग पुग्ने गरी शुरक्षा तैनाथी बढाएको छ । सन् १९९६ मा भएको सम्झौता अनुसार एलएसी क्षेत्रमा सुरक्षाका लागि खटिने दुवै तर्फका सैनिकले बन्दुक वा बिस्फोटक पदार्थ बोक्न नपाउने नियम उल्घन हुने अवस्था सिर्जना भएको छ । आर्मीलाई तालिम दिन मार्सल आर्टका प्रशिक्षक पठाइने सम्बन्धी जानकारी चीनको विभिन्न सञ्चारमाध्यमले उल्लेख गरेका छन् ।