featured photo: Birat Post

विराटनगर १ श्रावण ।
जन्मदिनका अवसरमा धेरैजसो मानिसले पारिवारिक मनोरन्जन गर्दछन् । कमैमात्र मानिसले सामाजिक सेवाको काम गर्ने कुरा सोच्दछन् । विराटनगरमा युवा अभियन्ताको छवी बनाएका सविन दाहालले आफ्नो जन्मदिनको अवसरमा सामाजिक सेवाको काम गरेका छन् । उनी विराटनगर महानगरका मेयर भीम पराजुलीको सचिवालय सदस्य समेत हुन् ।

दाहालले आफ्नो जन्मदिनको अवसरमा विराटनगरस्थित मानव सेवा आश्रमलाई खाद्यान्न सामाग्री प्रदान गरेका छन् । आश्रममा प्रदेश १ का विभिन्न सडकमा फिरन्ते जीवन विताइरहेकाहरुको उद्दार गरी राखिएको छ ।

बिहिबार एक अनौपचारिक कार्यक्रममार्फत उनले आश्रमलाई खाद्यान्न सामाग्री सहयोग गरेका हुन् । लामो समयदेखि समाजसेवामा सक्रिय रहेका उनले नियमित रुपमा यस्ता कार्य गर्दै आएका छन् । कार्यक्रम बोल्दै उनले सबै जनालाई आफ्नो जन्मदिन तथा अन्य विशेष अवसरमा आफुले सकेको सहयोग गर्न आग्रह गरेका छन् । हरेक व्यक्तिले सहयोगको भावना राख्नुपर्ने उनको भनाइ छ ।

मुलुक लकडाउनको अवस्थामा रहेको बेला सबैले एकअर्कालाइ सहयोग गर्नुपर्ने उनले बताए ।

लकडाउनको अवस्थामा उपलब्ध खाद्यान्न सामाग्रीले केहि राहत भएको आश्रम सञ्चालकले बताए । उनले आश्रमलाई सकेको सहयोग गर्न आग्रह समेत गरे ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित

भोजपुर हत्याकाण्ड : मृतक सबैको शव परीक्षणका लागि सदरमुकाम लगियो

कोशी प्रदेशको मनसुन तथा प्रतिकार्य योजनाका विषयमा रेडक्रसद्धारा छलफल