featured photo: Birat Post

विराटनगर २६ असार ।
पिसिआर परिक्षणमा भइ रहेको ढिलासुस्तीका बिषयमा विराटनगर महानगरका मेयर भीम पराजुलीले प्रश्न उठाएका छन् । उनले दुःख ब्यक्त गर्दै सामाजिक सन्जाल फेसबुकमा लेखेका छन् “पिसिआरको रिपोर्ट चाडो गराईदिनु पर्यो भनेर क कसको चाकडि गर्नु पर्ने ? हरेक कुरामा असहयोग यो त अति भो ?”

कोरोना परिक्षणका लागी प्रदेश सरकारले बनाएको प्रयोगशाला बाट समयमै परिक्षण नहुदा सर्बसाधरण जनताले सास्ती बेहोर्नु परेको छ । अर्कातर्फ पहुचवालाहरुको रिपोर्ट भने केही घण्टा वा दिनमै आउने गरेको भनेर समेत आलोचना भइरहेको छ । कोरोना परिक्षणका लागी स्वाव संकलन गर्ने र रिपोर्ट सार्वजनिक गर्ने दायित्व प्रदेश सरकारकै हो ।

यद्यपी विराटनगर महानगर लगायत केही स्थानिय तहले आफै स्वाव संकलन गरेर प्रदेश कोरोना परिक्षण ल्याव र कोशी ल्यावमा दिदै आएको छ । प्रदेश सरकारलाई भार नपरोस् भन्ने उदेश्यका साथ स्थानिय तहले सहयोग गर्दै आएका छन् । विराटनगर महानगरले स्वाव संकलन गरेर प्रदेशलाई सहयोग गरे पनि प्रदेशले भने त्यो अनुसारको ब्यवहार गर्न सकेको छैन ।

यस्तै विराटनगरका बरिष्ठ पत्रकारद्धय मोहन भण्डारी,बिनोद भण्डारी र सामाजिक अभियन्ता नबराज काफ्लेले समेत सामाजिक सन्जाल फेसबुकमा पिसिआर परिक्षणको रिपोर्ट ढिलाईका विषय आफ्नो असन्तोष ब्यक्त गरेका छन् ।

परिक्षण रिपोर्टमा बिभेद :

विराटनगर महानगर लगायत केही स्थानीय तहले कलेक्सन गरेको स्वाव संकलनको परिक्षण गरी रिपोर्ट दिनमा समेत ढिलाइ गरिने गरेको पाइएको छ । तीन दिन सम्म रिपोर्ट नआए पछि स्थानीयबासिन्दा सामाजिक सन्जालको प्रयोग गर्दै विरोधमा उत्रेका छन् । पहुच पुर्याउन सक्नेहरुको भने केही घण्टा र केहीदिनमै रिपोर्ट आएको छ । प्रदेश सरकारको यो रबैया प्रती स्थाननिय तहका जनप्रतिनिधि समेत दिगदार भएको देखिन्छ ।

पिसिआर मेसिन ल्याउन महानगरलाई दबाब :

प्रदेश सरकारले जनताको भावना बुझ्न नसकेको र आबश्यक परिक्षण गर्न नसकेको भन्दै पिसिआर टेष्ट गर्ने मेसिन खरिद गर्न अभियन्ताहरुले दबाव दिएका छन् । जनताको भावना बुझ्दै महानगरले पिसिआर टेष्ट गर्ने मेसिन ल्याउनुपर्ने आबाज सामाजिक सन्जालमा उठेको छ ।