featured photo: Birat Post

विराटनगर २९ साउन ।
विराटनगर महानगरले लकडाउनलाई निरन्तरता दिने घोषणा गरेको छ । बिहिवार पत्रकार सम्मेलन गर्दै महागरले थप ७ दिन लकडाउन गर्ने घोषणा गरेको छ ।  गत साउन १६ गते देखी साउन ३० गते सम्म लकडाउन घोषणा गरेको महानगरले भदौ ५ गते सम्म पुनः लकडाउनको घोषणा गरेको हो ।

पत्रकार सम्मेलनमा बोल्दै विराटनगर महानगरपालिकाका मेयर भीम पराजुलीले समुदायमा संक्रमण फैलदो क्रममा रहेको र यसको नियन्त्रणका लागि लकडाउन गर्नुपरेको जानकारी दिए । लकडाउनका कारण भिडभाड नियन्त्रण हुने र यसवाट कोरोना संक्रमणको दरमा कमी आउने बिश्वास ब्यक्त गरे । लकडाउनका कारण नगरवासीमा पर्न जाने असुबिधाप्रति क्षमाप्राथी रहेको भन्दै मेयर पराजुलीले लकडाउनको पालना गरिदिन आग्रह गरे ।

मेयर पराजुलीले विराटनगर स्थित वडा नंं १९ मा रहेको बैझनाथपुर स्वास्थ्यचौकीलाई कोरोना संक्रमित राखेर प्राथमिकरुपमा आइसुलेसन सेवा प्रबाह गरिएको जानकारी दिए । पिसिआर मेसिन ल्याउने विषयमा समेत महानगरले तयारी गरिरहेको जानकारी दिए । महानगरमा बिहीबार सम्म ४ सय १५ जनामा संक्रमण पुष्टि भएको छ । जसमध्ये ५ जनाको मृत्यु भएको छ भने ६९ जना संक्रमणमुक्त भएर डिस्चार्ज भएका छन् ।

सम्बन्धित

हाल देशभर मनसुनी वायुको प्रभाव,कहाँ-कहाँ छ भारी वर्षा ?

प्रदुषणले बसिनसक्नु बनाएको भन्दै अशोक मुरारकाको श्रीराम रिफाइन फ्याक्ट्री अगाडि स्थानियको विरोध प्रदर्शन

कांग्रेस केन्द्रीय सदस्य भीम पराजुलीले उठाए मोटरसाइकलमा कर छुट देखि हिन्दु राष्ट्र सम्मका कुरा

‘नारदमुनि पवित्रादेवी लुईटेल स्मृति कोष’द्वारा पत्रकार विक्रम निरौला सहित ५ जना सम्मानित