featured photo: Birat Post

काठमाडौँ २३ असोज ।
नयाँ–नयाँ फण्डा सार्वजनिक गर्ने गरेको स्वास्थ्य मन्त्रालयले शुक्रबार कोरोना पोजेटिभ भएर पनि सार्वजनिक स्थलमा हिँडडुल गर्नेलाई कारवाही गर्ने घोषणा गरेको छ । केही दिन अगाडी बेहोस भए वा हुन हुन लागे मात्र उपचारमा जानु भनेर उर्दी जारी गरेको मन्त्रालयले पुन नयाँ नियम सार्वजनिक गरेको छ ।

कोरोना पोजेटिभ भएर पनि बाहिर हिँडडुल गरेको पाइए ६ महिनासम्म जेल सजाय हुन सक्ने मन्त्रालयले जनाएको छ । स्वास्थ्य तथा जनसंख्या मन्त्रालयको नियमित प्रेस बिफ्रिङका क्रममा प्रवक्ता डा. जागेश्वर गौतमले संक्रामक रोग ऐन अनुसार पोजेटिभ देखिएर समेत हिँडडुल गरे ६ महिनाको जेल सजाय हुने बताए ।

यसका लागि अनुगमनमा सहयोग गर्न घर,परिवार र छिमेकीलाई मन्त्रालयले अनुरोध गरेको छ । कारवाहीका लागि गृह मन्त्रालय र जिल्ला प्रशासन कार्यालयलाई सूचना दिइएको उनले बताए । दशैं तिहारमा भिडभाड नगर्न पनि मन्त्रालयले आग्रह गरेको छ ।

सम्बन्धित

विराटनगरको श्री हस्पिटल विवाद : हस्पिटल प्रशासनले भन्यो “हामीमाथि अन्याय भयो ,अदालत जान्छौं”

कोभिड–१९ को सङ्क्रमण बढ्दै, एक हप्तामा ३५ जनामा कोरोना संक्रमण

नेपालले चाहेर पनि भारु ५०० भन्दा माथिका नोट चलाउनसक्ने अवस्था छैनः अर्थमन्त्री पौडेल

राजाको पक्षमा जनमत बनेको छः पशुपति खड्का