लोकेश पोख्रेल सोमबार, कार्तिक ०३, २०७७ मा प्रकाशित
विराटनगर ३ कार्तिक ।
कोभिड संक्रमितको उपचारमा सहज होस् भन्ने उदेश्यका साथ विराटनगर महानगरपालिकाको पहल र युुएनडीपीको सहयोगमा प्रदेश १ सरकारलाई स्वास्थ्य सामाग्री हस्तान्तरण गरिएको छ ।
सोमबार विराटनगर महानगरले एक अनौपचारिक कार्यक्रमका गरी युएनडीपीको सहयोगमा आएको सामाग्री प्रदेश नं. १ का सामाजिक विकास मन्त्री जीवन घिमिरेलाई हस्तान्तरण गरेको छ ।
विराटनगर महानगरपालिकाका मेयर भीम पराजुली र युुएनडिपी प्रदेश १ का प्रमुुख धनबहादुुर चन्दले उक्त समाग्री हस्तान्तरण गर्दै जनताको स्वास्थ्य सेवामा थप सहजता आउने विश्वास व्यक्त गरे ।
महानगरको समन्वयमा युुनएनडीपीले पिसिआर टेष्टमा प्रयोग हुुने अटोमेटिक आरएनए एक्सट्राक्सन मेसिन, भेन्टीलेटर तथा अक्सिजन कन्सनट्रेटर लगायतका सामाग्री हस्तान्तरण गरेको हो ।
७५ लाख मुुल्य बराबरको सो तिनवटा स्वास्थ्य उपकरण प्रदेश ल्याब तथा कोभिड अस्पताल र विराटनगरको वैझनाथपुुरमा रहेको आइसोलेसन केन्द्रमा प्रयोगमा ल्याइृने जनाइएको छ ।
कार्यक्रमा बोल्दै सामाजिक विकास मन्त्री जिवन घिमिरेले विराटनगर स्थित कोभिड अस्पतालको क्षमता विस्तार गर्न लागेको बताए । विराटनगर र धरानस्थित कोभिड अस्पताललाई थप विस्तार गर्दै जाने बताए । विराटनगरमा १५ वटा भेन्टीलेटर थप जडान गर्न लागेको मन्त्री घिमिरेले बताए ।
विराटनगर महानगरपालिकाका प्रमुुख भिम पराजुुलीले महानगरपालिकाले निजी स्तरको सहयोगमा अक्सिजन सहित एक सय वेडको अस्पताल सञ्चालन गर्न लागेको बताए । कोभिड रोकथाम उपचार तथा नियन्त्रणका लागी महानगरपालिकाले सम्पुुर्ण शक्ति लगाइरहेको बताए ।
कार्यक्रममा विराटनगर महानगरका प्रमुख प्रशाकिय अधिकृत इन्द्रमणि पोखरेल, कोशी अस्पताल विराटनगरका मेडिकल सुुपरिटेन्डेन्ट डा.चुुमनलाल दास, डा. दीपक सिग्देल लगायतको सहभागिता रहेको थियो ।
बझाङमा ४९ प्रतिशतले गरे मतदान, मतगणना भोलिबाट मात्रै
इलाममा करिब ५७ प्रतिशतले गरे मतदान, आज रातिदेखि नै मतगणना सुरु हुने
इलाम–२ : खड्का र नेम्वाङले गरे मतदान
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
