featured photo: Birat Post

विराटनगर १४ चैत्र ।
अखिल भारत बर्षिय माहेश्वरी महिला संगठनको आयोजनामा सखी एक्स्पो-२०२१ हुने भएको छ । थ्रीडी अनलाईन भर्चुअल मार्फत एक्स्पो हुन लागेको हो । यो संस्थामा नेपाल च्याप्टरकोरुपमा आबद्ध रहेको छ । भारत र नेपालको तर्फबाट महिला अधिकार र सशक्तिकरण समितिको प्रभारी प्रमुख गिरिजा सारडालाई संयोजक नियुक्त गरेको छ ।

संयोजक नियुक्त भएकी सारडाले बिश्वलाई अनलाईन भर्चुअलमा जोडेर एक्स्पो गर्न लागेको जानकारी दिइन् । यसमा नेपाल,भारत,सिंगापुर,बहराइन् लगायतका देशहरु बाट आएको स्टलहरु राखिएका छन् । अहिलेसम्म अनलाइनरुपमा १ सय २६ स्टलहरु एक्स्पोमा आवद्ध भइसकेका छन् । यो एक्स्पो १६ अप्रिल देखी २४ अप्रिल सम्म २४ सै घण्टा चालु रहने संयोजक सारडाले जानकारी दिइन् । संस्थाको अध्यक्ष आशा महेश्वरी (कोटा राजस्थान) र महामन्त्री मन्जू बाँगड (कानपुर उत्तरप्रदेश) भारत रहेका छन् ।

यो संस्था भारतको २७ राज्य र नेपाल च्याप्टरकोरुपमा जिल्ला ,गाउँ र पालिका सम्म दर्ज रहेर विभिन्न सामाजिक काम गरिरहेको छ । महिला हक अधिकारका विषयमा समेत यो संस्थाले काम गरिरहेको छ । यो एक्स्पो महिलाद्धारा ,महिलाका लागि र महिला सशक्तिकरणको उदेश्यले आयोजना गरिएको बताइएको छ । अखिल भारत बर्षिय माहेश्वरी महिला संगठनले शुक्रबार यो एक्स्पोको वेवसाइड समेत शुभारम्भ गरेको छ । भर्चुअल जुम मार्फत भएको कार्यक्रममा २ सय २५ जना विभिन्न देशका मानिसहरु सहभागी भएका थिए ।